17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Birinci vitse-prezident Mehriban Əliyevanın sayəsində səhnəyə qayıtdım - Aleksandr Şarovski
Azərbaycanın Xalq artisti, Səməd Vurğun adına Azərbaycan Dövlət Rus Dram Teatrının baş rejissoru Aleksandr Şarovski doğma teatrın səhnəsində ad gününü qeyd edib.
Emtv.az xəbər verir ki, səbəbkarın şərəfinə "Maskarad" tamaşasının nümayişi olub. Tamaşanın üstün cəhəti odur ki, A.Şarovski təkcə rejissor deyil, həm də baş rollardan birini ifa edir. Tanınmış rejissoru səhnədə aktyor kimi görmək isə teatr sənətinin pərəstişkarları üçün xüsusi xoşbəxtlikdir.
Tədbirdə Heydər Əliyev Fondunun icraçı direktoru Anar Ələkbərov, Rusiya, Avstriya və İsveçin Azərbaycandakı səfirləri, görkəmli ictimai, mədəniyyət və incəsənət xadimləri iştirak ediblər.
KİV nümayəndələri ilə söhbətində A.Şarovski tamaşada Arbenin rolunun onun üçün çox qiymətli olduğunu və buna görə də səhnədə məmnuniyyətlə çıxış etdiyini vurğulayıb: "Məni təbrik etməyə gələn hər kəsə təşəkkürümü bildirirəm. Heç kəs bilmirdi, lakin belə oldu ki, bir müddət əvvəl səhhətimdə problem yarandı və düşündüm ki, bir də heç vaxt səhnəyə artist kimi çıxa bilməyəcəyəm".
Xalq artisti Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevaya müalicə almasına göstərdiyi köməyə görə minnətdarlığını bildirib.
A.Şarovski əlavə edib ki, ad gününü doğma teatrın səhnəsində tamaşaçılarla keçirməkdən məmnundur.
Gələcək yaradıcılıq planları baradə danışan rejissor qeyd edib ki, may ayında Bernard Şounun pyesinin motivləri əsasında səhnələşdirilmiş "Milyonçu qadın" tamaşası təqdim olunacaq. Tamaşa Azərbaycanın xalq artisti Natalya Şarovskayanın yubileyinə həsr olunub.
"Maskarad" tamaşası izləyicilər tərəfindən maraqla qarşılanıb.
Sonra xalq artisti A.Şarovski tamaşaçılara müraciət edib:
"Əziz dostlar, bu gün mənim debütümdür. Bundan əvvəl mən səhnə ilə vidalaşmış və düşünmüşdüm ki, yalnız rejissor kimi fəaliyyət göstərəcəyəm. Lakin Birinci vitse-prezident Mehriban Əliyevanın sayəsində ayağa qalxdım. Azərbaycanın Birinci-vitse prezidentinin köməkçisi Anar Ələkbərov vasitəsilə Mehriban Əliyevaya minnətdarlığımı çatdırmaq istəyirəm. Hər kəsə təşəkkür. Həyat davam edir və hər şey irəlidədir..."
Nəzrin Abbaszadə
Emtv.az