SON DƏQİQƏ

8 gün öncə İsmayıllıda Balayeva Aynurə adlı qız yoxa çıxıb.

Emtv.az xəbər verir ki, 22 yaşlı itkin qızın anası və qardaşı yerli verilişlərin birində hadisənin təfərrüatı ilə bağlı açıqlamalar ediblər.

Aynurənin qardaşı bacısının axşam hamı kimi yatmaq üçün yerinə girdiyini qeyd edib:"Sonuncu dəfə onu görəndə gecə saat 1-də yatmışdı. Səhərə yaxın da yoxa çıxıb. Səhər 5-in yarısı olardı bacısına səsli mesaj atıb. Sonra nömrəsinə zəng çatmadı.Saat 7-də də mən oyanmışam. Yuxuda gördüm ki, bacım küçədə qadınlarla mübahisə edir. Onun səsi qulağıma gəldi, oyandım. Durub baxdım ki, yoxdur. Qapının ağzından telefonunun qapağını, qırılmış nömrə tapdım. Şəxsiyyət vəsiqəsini də özü ilə aparıb".

Verilişin əməkdaşlarına zəng edən iki şəxs Aynurəni Gəncədə gördükləri barədə məlumat veriblər.

Qeyd edək ki, Aynurə ailənin sonbeşiyidir. Atası rəhmətə gedən itkin qızın bir bacı, bir qardaşı da var.



Nəzrin Abbaszadə
Emtv.az