SON DƏQİQƏ

Həmin hadisələr XX əsr boyu xalqımıza qarşı yeridilən düşünülmüş siyasətin növbəti təzahürü idi. Sovet rəhbərliyinin himayədarlığı ilə başlayan Dağlıq Qarabağ hadisələri, Azərbaycan xalqına qarşı soyqırımı və azərbaycanlıların Ermənistan ərazisindəki əzəli torpaqlarından qovulması bu siyasətin mərhələləridir.

Keçmiş sovet ordusunun həmin gün Azərbaycan xalqına qarşı həyata keçirdiyi hərbi təcavüz bütün insanlığa qarşı törədilmiş ən ağır cinayətlərdən biri kimi tarixdə qalacaqdır. Milli azadlıq və ərazi bütövlüyü uğrunda mübarizəyə qalxmış dinc əhaliyə silahlı təcavüz nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.

EMTV.az xəbər verir ki, yanvar ayının 19-da “Azərbaycanın Səsi” İctimai Birliyinin sədri məşədi Faiq Əhmədovun təşkilatçılığı ilə 1990-cı il 20 Yanvar faciəsinə həsr olunmuş tədbir keçirilmişdir.

Tədbirdə Azərbaycanın tanınmış ziyalılarından, elm və mədəniyyət xadimlərindən, dövlət qurumlarının təmsilçilərindən, ictimai birlik rəhbərlərindən Nazirlər Kabineti yanında itgi və təlafatların qiymətləndirilməsi üzrə işçi qrupunun rəhbəri Firdovsi Kazımov, görkəmli elm xadimlərindən və ziyalılarından olan, professoru Əsədullah Qurbanov, Azərbaycan Tibb Universitetinin professoru Loğman Məmmədov, "Dünya" Ana və Uşaqlar ictimai birliyinin sədri Dünya xanım Əliyeva, “Dünya Azərbaycanlılarının Mədəniyyət mərkəzi”nin üzvü Almaz xanım Allahverdiyeva, “Azərbaycanın Səsi” İctimai Birliyinin Sumqayıt təşkilatının sədri Tahirə xanım Hüseynova, Bakı şəhəri Nizami rayon təşkilatının sədri İlqar Qocayev, Cəbrayıl rayon təşkilatının sədri Kamal Əsgərov, "Azərbaycanın Səsi" İctimai Birliyinin üzvülərindən Aybəniz xanım Mehdiyeva, Sevda xanım İbrahimli, Sabiqə xanım Paşayeva, Ənvər Həsənov, Püstə xanım Hüseynova, Azərbaycan Respublika Qadınlar cəmiyyətinin sədr müavini hacı xanım Zenfira Əliyeva, Maştağa Mədəniyyət Mərkəzində drektor müavini Bağirov Salman Həbib oğlu, AzMV TV-nin baş redaktoru Sevil İbrahımlı, AzMV TV-nin redaktor müavını Fatima Şamil qizi və digər ictimaiyyət nümayəndələri də iştirak etmişdilər.

“Azərbaycanın Səsi” İctimai Birliyinin üzvləri, eləcə də tədbirə qatılacaq tanınmış ziyalılar, elm və mədəniyyət xadimləri, dövlət qurumlarının təmsilçiləri, ictimai birlik rəhbərləri, ictimaiyyət nümayəndələri tədbirin gedişində Şəhidlər Xiyabanında şəhidlərimizin xatirəsini ehtiramla yad edərək, məzarı önündə baş əyib ruhuna dualar oxumuşlar.

Onu da qeyd edirik ki, EsmaMedia TV internet kanalının əməkdaşları da bu fürsətdən yararlanaraq Nazirlər Kabineti yanında itgi və təlafatların qiymətləndirilməsi üzrə işçi qrupunun rəhbəri Firdovsi Kazımovdan, Azərbaycan Tibb Universitetinin professoru Loğman Məmmədovdan və “Azərbaycanın Səsi” İctimai Birliyinin sədri məşhədi Faiq Əhmədovdan 29 il əvvəl 1990-cı ilin 20 yanvarında baş vermiş faciə barəsində bəzi fikirlərini öyrənmək qərarına gəliblər.

Bundan sonra tədbir “EsmaMedia TV” internet kanalının studiyasında davam etdirilmişdir.

Burada xalqımızın azadlığı, dövlətimizin müstəqilliyi uğrunda öz qanlarını tökmüş, canlarını fəda etmiş qəhrəman şəhidlərimizin ruhuna məşədi Faiq Əhmədovun təşəbbüsü ilə ehsan süfrəsi açılmışdır.

Tədbirin sonunda xatirə şəkilləri çəkilmişdir.

"Azərbaycanın Səsi" ictimai birliyinin ictimaiətlə əlaqələr
şöbəsinin müdri Zərifə xanım ƏLƏKBƏROVA.
Emtv.az