SON DƏQİQƏ

ABŞ Prezidenti Donald Trampın açıqlamaları strateji tərəfdaşlığa uyğun deyil.

Emtv.az xarici KİV-ə istinadən xəbər verir ki, bunu D.Trampın açıqlamalarına cavab olaraq Türkiyənin xarici işlər naziri Mövlud Çavuşoğlu deyib.

O bildirib ki, strateji tərəfdaşlıq məsələləri sosial şəbəkələrdə müzakirə olunmur:"Biz görürük ki, Trampa Suriyadan qoşunların çıxarılmaması ilə bağlı təzyiqlər olunur və o, çətin vəziyyətdədir. Bununla belə, bu məsələlər sosial şəbəkələrdə müzakirə olunmamalıdır".

M.Çavuşoğlu əlavə edib ki, Türkiyə heç bir təhdiddən qorxmur:

"Biz ac, susuz da qalsaq, lazım olan addımları atacağıq. ABŞ və digər ölkələr Türkiyəyə hörmətlə yanaşmalıdır".

Qeyd edək ki, D.Tramp öz "Twitter" səhifəsində Türkiyənin Suriya kürdlərinə zərbə endirəcəyi təqdirdə bu ölkənin iqtisadiyyatını çökdürəcəyini bəyan etmişdi. Eyni zamanda o, kürdləri Türkiyəni təxribata sürükləməməyə çağırıb.

Zərifə Ələkbərova
Emtv.az