SON DƏQİQƏ

emtv.az
 Valyuta məzənnəsi

Bakıda təcili tibbi yardım xəstəyə kömək etmədi

10-01-2019, 16:55 | Oxunub: 3198 |

Bakıda təcili tibbi yardım xəstəyə kömək etmədi

Bu gün təcili tibbi yardımla bağlı Bakıda xoşagəlməz hal yaşanıb.

Emtv.az yerli KİV-ə istinadən xəbər verir ki, nazirliyə 11:35-də çağırış daxil olub, 11:47-də isə hadisə yerinə təcili tibbi yardım maşını gəlib.

Nazirlikdən yaranan anlaşılmazlığa da münasibət bildirilib:“Sürücü maşının içərisində heç bir tibbi heyət, tibbi personal olmadığı üçün dayanmayıb. Qaraja oksigen balonu götürməyə gedən maşının içində tibb bacısı olmadığı üçün maşın saxlasa da, sürücü o insana heç bir köməklik edə bilməzdi”.

“Özəl tibb müəssisəsinə məxsus maşın Səhiyyə Nazirliyinə aid deyil. Daha sonra isə təcili yardım maşını gəlib və sözügedən şəxsə lazımi kömək olunub”, - deyə nazirlikdən qeyd edilib.

Bu gün saat 11:30 radələrində, Bakıxanov küçəsi, Dostluq kinoteatrının yaxınlığında xoşagəlməz hadisə baş verib.

Hadisə şahidləri bildiriblər ki, təcili yardıma xəbər verdikləri vaxtdan həmin ərazidən bir neçə təcili tibbi yardım maşını keçsə də, heç biri saxlamayıb.

“Mən orada olduğum müddətdə iki təcili tibbi yardım maşını həmin ərazidən keçirdi. Biri özəl klinikaya məxsus, digəri isə dövlətə. İnsanlar dövlətə məxsus təcili tibbi yardım maşınının qarşısını kəssə də, sürücü saxlamadı. Yol polisi məsələyə qarışdıqdan 20 dəqiqə sonra yeni təcili tibbi yardım maşını ilə xəstəni xəstəxanaya apardılar”, - deyə K.Mahmudov yazıb.

Yolda səhhəti pisləşən vətəndaş 1948-ci il təvəllüdlü Verdiyev Seyfulla Əli oğludur. O, yolu keçmək istəyərkən qəfildən halı pisləşib və yerə yıxılıb.

Zərifə Ələkbərova
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT
FOTOLAR
XƏBƏR LENTİ
BÜTÜN XƏBƏRLƏR