17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
“Dedi ki, biletlərin hamısını satmasanız sizi buraxmayacağam” - Məktəbdə yeni il QALMAQALI - FOTO
"Biletləri mütləq gətirin. Mütləq!"
Emtv.az yerli KİV-ə istinadən xəbər verir ki, söhbət paytaxtda fəaliyyət göstərən 194 saylı tam orta məktəbdən gedir.
Məktəbdə yeni il şənliyi keçiriləcək. Hazırlıqlar çərçivəsində nəfis tərtibatda biletlər də çap etdirilib. Bura qədər hər şeyə normal baxmaq olar. Təhsil ocağı tədbir keçirir və bunu səliqəli şəkildə təşkil etmək üçün şənlikdə iştiraka icazəni bilet əsasında təşkil edir.
Məsələnin sual doğuran tərəfi həmin biletlərin məcburi qaydada satılmasıdır.
Şagird: "Rəşad müəllim müəllimimizə dedi ki, biletlərin hamısını satmasanız sizi tədbirə buraxmayacağam".
Bu yerdə deyək ki, biletlərin tam həcmdə satılmayacağı halda bütün sinifin tədbirə buraxılmayacağını deyən Rəşad müəllim, təlim-tərbiyə işləri üzrə direktor müavini, tədbirin təşkilatçısıdır. Məktəb rəhbərliyinin də məsələyə münasibətini öyrənməyə çalışdıq.
Müsahibə verməkdən çəkinən direktor və müavininin şifahi açıqlaması belə oldu: "Şənliyin keçirilməsi üçün təşəbbüs valideynlərin özlərindən gəlib, bilet satışı isə məcburi deyil".
Faktla bağlı məktəbdən ətraflı cavab ala bilməsək də Bakı şəhəri üzrə Təhsil İdarəsi məsələyə biganə qalmadı. İdarədən ARB TV-yə verilən məlumatda deyilir:
"Ümumtəhsil məktəblərində yeni il şənliklərinin keçirilməsi ilə əlaqədar biletlərin satışı yolverilməz hesab olunur. Müxtəlif qurumların ümumtəhsil müəssisələrinə bilet satışı ilə bağlı edilən məqsədli müraciətlərə qoşulmaq və ya məktəbdə ödənişli tədbirin təşkili hallarına görə məktəb rəhbərliyi şəxsən məsuliyyət daşıyır. Bu kimi hallara qarşı ciddi tədbirlər görülür".
Onu da deyək ki, məsələyə müdaxiləmizdən sonra sözügüdən məktəbdə Yeni il şənliyi ləğv edilib. Məcbur və ya könüllü şəkildə satılan biletlər valideyinlərdən geri alınıb.
Aysu Əliyeva,
Emtv.az