SON DƏQİQƏ

emtv.az
 Valyuta məzənnəsi

Trampın açıqlaması şok effekti yaratdı: Ölkə birjaları çalxalandı

5-12-2018, 14:39 | Oxunub: 3034 |

Trampın açıqlaması şok effekti yaratdı: Ölkə birjaları çalxalandı

ABŞ prezidenti Donald Trampın Çinlə ticarət razılaşması çərçivəsində gömrük vergilərinin davam edəcəyini bəyan etməsi, həmçinin ticarət müqaviləsinin reallaşması ilə bağlı açıqlamaları ölkə birjalarında zəlzələ effekti yaradıb.

Emtv.az xəbər verir ki, Trampın sosial media hesabından Çinlə bağlı verdiyi açıqlamalar, ticarət müharibə narahatlıqlarının yenidən yüksəlməsinə səbəb olub.

Vaşinqton və Pekin arasında ticarət danışıqlarının yenidən başladığını deyən Tramp bunları qeyd edib: “Çinlə müzakirələr yenidən başlandı. Əgər müzakirələr uzadılarsa, Çin dövlət başçısı Şi Cinping ilə Argentinada görüşdüyümüz mükəmməl və isti axşam yeməyindən 90 gün ərzində başa çatacaq. Robert Lighthizer, Stiven Mnuchin, Larri Kudlov, Vilbur Ross və Piter Navarro birgə işləyərək, Çin ilə gerçək bir ticarət müqaviləsinin mümkün olub-olmadığına baxacaq. Əgər mümkün olsa, müqaviləni tamamlayacağıq”.

Tramp onu da əlavə edib ki, Çinin bir an əvvəl kənd təsərrüfatı məhsullarının daha çoxunu satın almağa başlamalıdır: “Çin lideri Şi və mən bu müqavilənin həyata keçirilməsini istəyirik və bu yəqin ki, olacaq, ancaq bu olmazsa, mənim bir tarif adamı olduğumu xatırlayın. Ölkələr və ya insanlar millətimizin zənginliyini qarət etməyə gələndə, onlara bunun əvəzini ödətmək istəyirəm. Bu iqtisadi gücümüzü ən yüksək səviyyəyə çıxarmağımızın ən yaxşı yoludur. Hazırda tariflərdən milyardlarla dollar alırıq. ABŞ-ı yenidən zənginləşdirəcəyik”.

Trampın bu açıqlaması ABŞ bazarlarını alt-üst edib.

Trampın bu açıqlamaları, ABŞ-Çin atəşkəs rejiminin yaratdığı nikbinliklə həftənin əvvəlində yüksələn səhmlərində zəlzələ effekti yaradıb.

Yekunda Dou Cons İndeksi 3,10 faiz, Standard&poors 500 İndeksi 3,24%, Nasdaq Texnoloji İndeksi 3,8 faiz dəyər itirib.

ABŞ prezidenti Donald Tramp və Çin dövlət başçısı Şi Cinping, keçən həftənin sonu Buenos-Ayresdə keçirilən G-20 Liderlər sammiti çərçivəsində keçirdikləri görüşdə 90 günlük atəşkəs əldə etdiklərini deyiblər.

Seymur Rəhimov,
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT
FOTOLAR
XƏBƏR LENTİ
BÜTÜN XƏBƏRLƏR