SON DƏQİQƏ

Gürcüstanın yeni seçilən prezidenti Salome Zurabişvili Avlabaridəki prezident sarayında fəaliyyət göstərməyəcəyini deyib.

Emtv.az xəbər verir ki, S. Zurabişvili Tiflisin mərkəzindəki Orbeliani sarayında əyləşəcək.

Beş min kvadratmetr sahəsi olan Orbeliani sarayı ХХ əsrin əvvəlində çar İkinci Teymurazın (1700-1762) sarayının yerində tikilib. İkinci Teymuraz bu sarayı öz yeznəzi Dmitriy Orbelianiyə hədiyyə edib.

Burada bir zamanlar ABŞ-ın Gürcüstandakı səfriliyi yerləşib.

Avlabaridəki prezident sarayının ərazisi isə on min kvadratmetrdir və 2009-cu ildə prezident Mixail Saakaşvilinin qərarı ilə tikilib.

Müxalifət zamanında həmin sarayın tikintisinə görə, Saakaşvilini tənqid edib.

Saakaşvilidən sonra indiki prezident Georgiy Marqevalişvili də həmin saraydan ölkəni idarə edib.

Salome Zurabişvili isə bunun tam əksi olaraq, həmin sarayda əyləşməkdən imtina edib. Zurabişvili deyib ki, Barataşvili və Orbeliani onun əcdadları olub.

“Ona görə də Orbeliani sarayında fəaliyyət göstərmək mənim üçün daha münasibdir. Bu bina daha çox Avropasayağıdır. Bu bina mənə digər hadisələri xatırladır”,- Zurabişvili bildirib.

Zurabişvili onu da əlavə edib ki, prezident postunda olduğu müddətdə Tiflisdəki öz evində yaşayacaq və işə piyada gedəcək.

Sevinc Əlimova,
Emt.az

Paylaş.