SON DƏQİQƏ

Türkiə prezidenti Rəcəb Tayyib Ərdoğan qarşıdan gələn bələdiyyə seçkilərində sədri olduğu AK Partiyanın namizədlərinin adlarını açıqlayıb.

Emtv.az xəbər verir ki, çıxışına Cümhur İttifaqına bağlılığından dolayı MHP sədri Lideri Dövlət Baxçəliyə təşəkkürlə başlayan Ərdoğan, 14 şəhər və 26 vilayət üçün bələdiyyə namizədlərinin adını açıqlayıb.

“MHP sədri Dövlət Baxçəliyə Cümhur İttifaqına olan bağlılığını bu gün bir daha bəyan etdiyi üçün bir daha təşəkkür edirəm. Biz də AK Partiya olaraq ölkəmizin və millətimizin mübarizəsinin ən önəmli dayaq nöqtələrindən biri kimi gördüyümüz Cümhur İttifaqına bağlılığımızı buradan bir daha bəyan edirik. Cənab Bağçəliyə qarşıdakı seçkilərdə İstanbul, Ankara və İzmirdən namizəd irəli sürməyərək AK Partiyanı dəstəkləmək qərarı üçün də ayrıca təşəkkürümü bildirirəm.

Prezident hökumət sistemi ilə hədəflərinə çatmaq gücü artan Türkiyə İnşallah 2023-cü ilə bu həyəcanla çatacaqdır. Xüsusilə 31 mart seçkilərinin həqiqətən cümhur ittifaqı qarşısında yer alacaq, cənab Bağçalının ifadəsi ilə zillət ittifaqı adlananlar qarşısında yükümüzün nə qədər ağır olduğunu bir daha ifadə etmək istəyirəm.

Çünki bu məlum ittifaqın içərisində vətənpərvərliyə qarşı qarşı nə axtarsanız var. Xüsusilə terror təşkilatının da içində olduğu bir ittifaqdan milli ittifaq olarmı ? Terror təşkilatının dəstək verdiyi ittifaqın içindən vətənpərvərlik varmı?

Hazırda ana müxalifət partiyasının da (CHP) içində olduğu və Qəndilən verilən təlimatlarla idarə olunan bir ittifaqı inanıram ki, 31 martda mənim millətim o terrorçuları necə çuxurlara batıbsa, indi də sandığa basdıracaq” – Ərdoğan belə deyib.

Sevinc Əlimova,
Emtv.az