SON DƏQİQƏ

İmişli rayonunun bir qrup sakini əmlak məsələləri dövlət komitəsinin sədri Kərəm Həsənova müraciət edib.

Emtv.az yerli mətbuata istinadən xəbər verir ki, rayon sakinləri müraciətdə həyətyanı torpaq sahəsi almaq üçün problemlər yaşadıqlarını bildiriblər.

“Biz fərdi yaşayış evi tikdirmək üçün həyətyanı torpaq sahəsi almaq məqsədi ilə İmişli Bələdiyyəsinə dəfələrlə müraciət etmişik. Bələdiyyədən bildirdilər ki, həmin sənədlərə baxılıb müsbət cavab verilməsi üçün Əmlak Məsələləri Dövlət Komitəsinin Beyləqan rayon ərazi idarəsinə göndərilib. Lakin hələ də həmin idarədən heç bir cavab verilməyib. İmişli Bələdiyyəsindən bizə məlumat verildi ki, şəhərin elektron xəritəsinin hazırlanmasına və təqdimatı keçirilməsinə baxmayaraq, həmin elektron xəritə hələ də onlara verilməyib və əgər həmin xəritə onlara təqdim olunarsa, bizim müraciətlərimiz daha tez və müsbət həll oluna bilər. Odur ki, xahiş edirik həm bizim dərdimizə çarə qılınması üçün həm də İmişli Bələdiyyəsinin əlində lazımi sənədin olunması üçün elektron xəritənin İmişli Bələdiyyəsinə çatırılmasına köməklik edəsiniz. Güman edirik ki, müraciətimizə biganə qalmayacaqsınız”, – deyə müraciətdə qeyd olunur.

Sevinc Əlimova,
Emtv.az
Paylaş: