SON DƏQİQƏ

Bir zamanların ən cazibədar aktrisası, uzun illər Sumqayıt Dövlət Dram Teatrında çalışan Elmira Həşimzadədən xəbər var.

Emt.az xəbər verir ki, yerli KİV-lərdən biri Aktrisanı 25 ildən sonra tapmağa müvəffəq olub.

O, yerli mətbuata açıqlama verərək bunları bildirib:

"Xeyli müddətdir ki, sənətdən uzaqlaşmışam. Uzun illər Sumqayıt Dram Teatrının səhnəsində bir çox rollar oynamışam. Hal-hazırda evdəyəm, istirahət edirəm. 73 yaşım var, artıq özümü sənətdə görmək istəmirəm. Onu da deyim ki, iki nəvəm var, başım nəvələrimə qarışıb", - deyə aktrisa bildirib.

Qeyd edək ki, aktrisa teatr yaradıcılığı ilə yanaşı bir neçə filmdə də çəkilib. Sənətdən uzaqlaşandan sonra aktrisa mətbuatla əlaqəsini kəsmişdi.

Əli Novruzəliyev