17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Yaradıcı gənclərin əl işlərindən ibarət müsabiqənin qalibləri mükafatlandırılıb
Naxçıvan Muxtar Respublikası Rəssamlar Birliyinin Bəhruz Kəngərli adına Sərgi Salonunda təşkil edilən yaradıcı gənclərin, o cümlədən sağlamlıq imkanları məhdud uşaqların əl işlərindən ibarət müsabiqə başa çatıb.
Emtv.az yerli KİV-ə istinadən xəbər verir ki, əvvəlcə Rəssamlar Birliyinin sədri, Azərbaycan Respublikasının Əməkdar Rəssamı, Milli Məclisin deputatı Ülviyyə Həmzəyeva, Gənclər və İdman Nazirliyinin əməkdaşı İlahə Haqverdiyeva, Əmək və Əhalinin Sosial Müdafiəsi Nazirliyinin əməkdaşı Ərturan Mərdanov çıxış edərək muxtar respublikada həyata keçirilən gənclər siyasətindən, yaradıcı və istedadlı gənclərə göstərilən dövlət qayğısından, həmçinin sağlamlıq imkanları məhdud şəxslərə yaradılan şəraitdən danışıblar. Bildirilib ki, müsabiqənin keçirilməsində məqsəd istedadlı gənclərin bacarıqlarının üzə çıxarılması, sağlamlıq imkanları məhdud uşaqlarda özünəinamın artırılması və onların cəmiyyətə inteqrasiyasıdır.
Müsabiqəyə 49 gənc və sağlamlıq imkanları məhdud uşağın 100-ə yaxın əl işi təqdim olunub. Rəsm və dekorativ-tətbiqi sənət üzrə Veysəl Xudanlı və Firuz Novruzov birinci yerə layiq görülüblər. Məhəmməd Həsənli və Eldar Paşayev ikinci, Zəfər Quliyev, Nurtac Zamanova, Arzu Hüseynov və Abbas Cəlilov üçüncü olublar.
Qaliblər təşkilatçılar tərəfindən diplom, fəxri fərman və hədiyyələrlə mükafatlandırılıblar.
Qeyd edək ki, müsabiqə muxtar respublikanın Gənclər və İdman, Əmək və Əhalinin Sosial Müdafiəsi nazirlikləri, Rəssamlar Birliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə keçirilib.
İsmayil İsmayilov
Emtv.az