17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Çağırışyaşlı gənclər əsgərlərlə görüşüblər
Naxçıvan Muxtar Respublikası Gənclər və İdman, Mədəniyyət nazirlikləri və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə Daxili Qoşunların “Naxçıvan” Əlahiddə Əməliyyat Briqadasında gənclərin əsgərlərlə görüşü təşkil edilib.
Emtv.az yerli KİV-ə istinadən xəbər verir ki, görüşdə Gənclər və İdman Nazirliyinin Gənclərlə iş şöbəsinin müdiri Tahir Məmmədli, Daxili Qoşunların “Naxçıvan” Əlahiddə Əməliyyat Briqadasının zabiti, kapitan Orxan Seyidov çıxış edərək tədbirin əhəmiyyətindən danışıblar.
Bildirilib ki, Daxili Qoşunların “Naxçıvan” Əlahiddə Əməliyyat Briqadası müasir maddi-texniki bazası, yüksək döyüş qabiliyyəti ilə seçilir. Son illər briqadanın ərazisində müasir standartlara uyğun yaşayış binaları, yeməkxana, anbarlar, müasir qazanxanalar və digər sosial-məişət obyektləri inşa edilib, hərbi hissə abad və yaraşıqlı şəhərciyə çevrilib. Bu gün şəxsi heyətin geyimi, qidalanması, yaşayış və məişət şəraiti diqqət mərkəzində saxlanılır. Bütün bunlar şəxsi heyətin mənəvi-psixoloji vəziyyətini daha da yüksəldir.
Sonra gənclərin silah-sursat və texnikaya baxışı olub. Onlar briqadanın ərazisində yerləşən əsgər yataqxanası, tibb məntəqəsi, təlim-tədris mərkəzi, klub, idman zalı və kitabxanaya da baş çəkiblər.
Naxçıvan Dövlət Filarmoniyasının Mahnı və Rəqs Ansamblının konserti, eyni zamanda, gənclərin səsləndirdikləri şeirlər alqışlarla qarşılanıb.
Sonda gənclər əsgər yeməkxanası ilə tanış olub, əsgərlərlə birlikdə nahar ediblər.
Qeyd edək ki, 18 oktyabr – Dövlət Müstəqilliyi Günü münasibətilə keçirilən görüşün məqsədi gənclərə vətənpərvərlik hissinin aşılanması, çağırışyaşlı gənclərin hərbi xidmətə hazırlanması, onların Vətənə məhəbbət, dövlətə sədaqət ruhunda tərbiyə olunması və əsgərlərdə ruh yüksəkliyinin artırılmasından ibarət olub. Görüşdən əvvəl Naxçıvan Muxtar Respublikası Gənclər və İdman Nazirliyinin sosial şəbəkələrdəki rəsmi səhifələrində qeydiyyat aparılıb və məhz qeydiyyatdan keçən həmin gənclər tədbirdə iştirak ediblər.
İsmayil İsmayilov
Emtv.az