SON DƏQİQƏ

PKK-ya qarşı həyata keçirilən əməliyyatlar zamanı terrorçuların fəaliyyəti ilə bağlı “əl kitabı” ələ keçirilib. Ələ keçirilən “Əl kitabı”nda qan donduran bilgilər ortaya çıxıb. Kitabda hətta terrorçulara lazımi məqamlarda “donuz kimi toplu halında hərəkət etmək” kimi qaydalar da əksini tapıb.

Emtv.az xəbər verir ki, “Əl kitabı”nda terrorçulara terror aktlarını necə həyata keçirmə qaydaları, türk əsgərinə qarşı xain planların necə qurulması əksini tapıb.

Kitabda Türkiyə ərazilərində yolların minalanması, müxtəlif xain planların qurulması kimi təlimatlar əksini tapıb. Kitabda Türkiyəyə qarşı hücumların həyata keçirilməsi tapşırıqları açıq şəkildə yer alıb.

Belə ki, terrorçulara Türkiyə ordusunun anti-terror əməliyyatlarının qarşısının alınması üçün hər cür vasitədən istifadə edilməsi tövsiyə olunur. Kitabda PKK-çılara terror aktları ilə bağlı ən yeni taktikalar və metodların tətbiqi ilə bağlı qaydalar yer alıb.

Yeni taktikaya əsasən, təkcə hərbçilər deyil, mülki insanlar, xüsusən da hakim AKP-li rəsmilərə qarşı sui-qəsdlərin edilməsi əksini tapıb.

Türkiyə ordusunun terrorizmə qarşı fərqli taktik, texniki qaydalar tətbiq etməsi PKK terrorçularını çıxılmaz duruma salıb. Ona görə də kitbada insanı heyrətləndirəcək dərəcədə “şeytani” hərkətlərə əl atmaq belə əksini tapıb. Belə ki, görüntü çəkən aparatların, xüsusən da pilotsuz uçan aparatların (PUA) çəkilişlər etməsini çətinləşdirmək üçün terrorçulara paltarlarına palçıq sürtməsi, islatması, neylon paltar geymək, başa çuvalların keçirilməsi kimi tövsiyələr verilir.

Hətta türk əsgərindən qaça bilməyən terrorçulara “donuz kimi toplu halında hərəkət etmək” təlimatı verilir. “Döyüşçünün əl kitabı” xüsusilə ABŞ-ın Suriyada PYD/YPG terrorçularına verdiyi ən son təlimləri xatırladır.

Təlimatlarda həmçinin Türkiyə ordusu ilə qarşı-qarşı gəlməkdən, xüsusən də gündüz vaxtı döyüşə girməkdən qaçmaq tövsiyə olunur. Terrorçulara əsasən Türkiyə ordusuna qarşı xain planların həyata keçirilməsi, lazımi məqamda isə yaşayış məntəqələrinə girməsi məsləhət görülür. Terrorçulara kəndlərdə özlərinə xəbərçilər axtarmaq tövsiyə olunur.

İsmayil İsmayilov
Emtv.az