SON DƏQİQƏ

Ermənistan parlamentinin Respublikaçılar partiya fraksiyasından olan Miqran Poqosyan baş nazir Nikol Paşinyanı dezinformasiya yaymaqda ittiham edib.

Emtv.az xəbər verir ki, Paşinyan mitinqdə Poqosyanın 2 oktyabrda parlamentin iclasından çıxan zaman söyüş söydüyünü və təhqiramiz ifadələr işlətdiyini deyib.

“Artıq Paşinyan tədricən bəyan etdiyi prinsiplərdən uzaqlaşaraq, dezinformasiya təbliğat metodundan istifadə etməklə rəqbilərini vurur və bununla da rəqiblərinə qarşı nifrət hissi oyatmağa çalışır. Bütün məsuliyyətimlə bəyan edirəm ki, kimliyindən asılı olmayaraq, bu istər sadə vətəndaş olsun, istərsə də yüksəkçinli şəxs, lap elə baş nazir olsun, istənilən əsaslandırılmamış bəyanatlar, həmçinin kiməsə damğa vurmaq və yaxud təhdid etmək yolverilməz haldır”, deputat bildirib.

Deputat onu da əlavə edib ki, baş nazir səviyyəsində dəqiqləşdirmədən kiminsə barəsində dezinformasiya yaymaq, təhqir etmək, reputasiyasına ziyan vurmaq yolverilməzdir.

İsmayil İsmayilov
Emtv.az