SON DƏQİQƏ

Rusiya Azərbaycan üçün vacib və dəyərli tərəfdaş ölkədir.

Emtv.az xəbər verir ki, bunu Azərbaycan prezidenti İlham Əliyev Bakıda keçirilən IX Azərbaycan-Rusiya Regionlararası Forumunda çıxışı zamanı deyib.

“Düşünürəm ki, qarşıdakı illərdə bizim əməkdaşlığımız ancaq inkişaf edəcək”- Azərbaycan prezidenti vurğulayıb.

Azərbaycan prezidentinin sözlərinə görə, Azərbaycanla Rusiya arasında intensiv əlaqələr, o cümlədən yüksək səviyyədəki görüşlər Moskva ilə Bakı arasında dostluq və tərəfdaşlıq münasibətlərinin olmasının göstəricisidir: “Biz Vladimir Vladimiroviçlə mütəmadi olaraq görüşürük və mən, bu yaxınlarda, sentyabrın əvvəlində Rusiyaya rəsmi səfər etdim. Biz səfər zamanı bütün məsələlər üzrə çox məhsuldar danışıqlar apardıq.

Bizim öncəki görüşümüzdən bir ay keçməmiş prezident Putinin Azərbaycana səfəri ölkələrimiz arasındakı münasibətlərin hansı səviyyədə olduğunu bariz nümunəsidir”.

Azərbaycan prezidenti deyib ki, Rusiyaya səfəri zamanı iki ölkə arasında əlaqələrin inkişafına xidmət edəcək 16 sənəd imzalanıb: “Rusiya prezidenti Vladimir Putin son 5 ildə Azərbaycana 4 dəfə səfər edib. Mən də öz növbəmdə müntəzəm olaraq Rusiyaya səfər edirəm”.

İki ölkə arasındakı ticari-iqtisadi məsələlərə toxunan İlham Əliyev deyib ki, iki ildir ölkələrimiz arasında ticarət dövriyyəsi inkişaf etməkdədir: “Rusiya Azərbaycan idxalatda birinci tərəfdaş ölkədir. Azərbaycanda Rusiyaya qeyri-neft məhsullarını ixrac etməsi sahəsində birinci yerdədir”.

İ.Əliyev deyib ki, Rusiya və Azərbaycan enerji və neft-qaz sahəsində də çox sıx əməkdaşlıq edir.

İsmayil İsmayilov
Emtv.az