SON DƏQİQƏ

Pendikdə ailə dəhşəti yaşanıb.

Emtv.az xarici KİV-ə istinadən xəbər verir ki, 5 uşaq anası olan Betül Filiz mübahisə etdiyi ərini ov tüfəngi ilə güllələyib.

36 yaşlı həyat yoldaşı Sedat Filizi öldürən qadın məhkəmədə bunları deyib: "Qəsdən öldürmədim. Həyat yoldaşım narkotik maddə qəbul etmişdi. İçki içib "Səni, uşaqlarımı, ata-ananı da öldürəcəyəm" deyə məni hədələdi və yatdı. Bu an yatağının yanında tüfəng var idi. Həmin tüfəngi götürərkən partladı, Sedat yaralandı. Uşaqlarım balacadır, onlara baxacaq heç kimim yoxdur".

Araşdırmalar zamanı məlum olub ki, Betül Filiz 8-9 dəfə sığınacaq evinə müraciət edib, sonra həyat yoldaşının təkidi ilə evinə qayıdıb.

Sedat Filizin hadisədən bir həftə əvvəl internet üzərindən tüfəng aldığı da aşkarlanıb.

24 il həbsi istənilən 34 yaşlı qadın məhkəmənin qərarı ilə 1 il 8 ay müddətinə həbs edilib.

Seymur Rəhimov
Emtv.az