15 sen 14:38Oxunub: 117 |

Ərdoğandan Türkiyənin Ermənistanla sərhədləri açmasını tələb edənlərə sərt cavab : “Əbəs yerə gözləməyin, Azərbaycan torpaqları azad edilməyincə…”

Ərdoğandan Türkiyənin Ermənistanla sərhədləri açmasını tələb edənlərə sərt cavab : “Əbəs yerə gözləməyin, Azərbaycan torpaqları azad edilməyincə…”

“Dağlıq Qarabağ probleminin həll edilməsi, Ermənistan ilə münasibətlərimizin düzəlməsinin olmazsa olmaz şərtidir, bu belə bilinməlidir”.

Emtv.az xəbər verir ki, bu sözləri Türkiyə prezidenti Rəcəb Tayyib Ərdoğan Bakının azad edilməsinin 100 illiyi münasibəti ilə Azadlıq meydanında təşkil olunan paradda çıxışı zamanı deyib. Türkiyə prezidenti ölkəsinin Ermənistanla sərhədlərə açmayacağını da bir daha diqqətə çatdırıb.

” 25 il əvvəl Xocalıda baş verənlərin, Dağlıq Qarabağda qətlə yetirilən qardaşlarımızın hesabını verməyən, qatilləri qəhrəman elan edənlərin bizə verəcəkləri heç bir tarix dərsi yoxdur. Qardaşlarımızın torpaqlarının 20 faizini işğal altında saxlayanların, 1 milyondan artıq qardaşımızın doğma yurdlarına qayıtmalarına imkan verməyənlərin bizdən Ermənistanla sərhədlərimizi açmalarını gözləmələri əbəsdir, əbəs” – Ərdoğan belə deyib.

Xatırladaq ki, Türkiyənin Avropa Birliyinə üzv olması üçün rəsmi Ankara qarşısında qoyulan tələblərdən biri də Ermənistanla sərhədlərin açılması tələbidir. Lakin, qardaş Türkiyə işğalçı Ermənistanla sərhədləri açmaqdan qəti surətdə imtina edir.

İsmayil İsmayilov
Emtv.az
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 923
XƏBƏR LENTİ

Reklam
Məzənnə