SON DƏQİQƏ

Türkiyə prezidenti Rəcəb Tayyib Ərdoğan Qırğızstana səfəri zamanı ən diqqət çəkən mövzulardan biri FETÖ və bu terror təşkilatı ilə mücadilə məsələsi olub.

Emtv.az xəbər verir ki, Ərdoğan Qırğızstan səfəri zamanı FETÖ-nün nə qədər təhlükəli bir terror təşikilatı olduğunu və bu təşkilatın üzvlərinin dövlətin istənilən qurumuna sızaraq, sonda ölkə üçün ciddi təhlükəyə çevrildiyini qeyd edib.

“Türkiyə dost və qardaş Qırğızstanla siyasi, iqtisadi, ticari və mədəniyyət sahəsində ciddi əməkdaşlığı mövcuddur. Biz FETÖ kölgəsindən xilas olmaqla qarşıdakı dönəmdə əlaqələrimizi daha da inkişaf etdirmək niyyətindəyik. Və bunda qərarlıyıq”- Ərdoğan bildirib.

Ərdoğan əlavə edib ki, FETÖ xain bir təşkilatdır: “Siz də bizim qardaşımızsınız. Bunlar xaindir, alçaqdırlar. Bu baxımdan bizim başımıza gəldiyindən sizləri də xəbərdar edirik. Buna diqqət edin. Onlar ikitərəfli münasibətlərimizi zəhərləməyə çalışırlar. Buradan qırğız qardaşlarımıza xitabən səslənirəm ki, FETÖ ilanının başını əzmimizlə bu təhdidi aradan qaldırmalıyıq. 15 iyulda bizə qarşı dövlət çevrilişi edənlər, sabah qırğız qardaşlarımıza qarşı belə bir cəhd edərsə, narahat olarsınız. Bunlar çox çirkin bir təşkilat. Onlar ispanların “Opus dei” təşkialtının üzvləri kimi hər təşkilata sızarlar. Hərbə, polisə, dövlət qurumlarına, prokurorluğa sızarlar və dövləti içəridən ələ alaraq çevriliş edərlər”.

Ədoğan əlavə edib ki, FETÖ təkcə Türkiyə üçün deyil, eyni zamanda, fəaliyyət göstərdikləri istənilən ölkə üçün ciddi təhdiddir: “Bunu başı bilirsiniz haradadır? Amerikada. Dünyanın 160 ölkəsində fəaliyyət göstərir.Bu gücü haradan alır? Sadəcə, Amerikada “charter schooll”lar vasitəsi ilə ildə 850 milyon dollar gəlir əldə edir. Demək, bunun arxasında duran ABŞ-dır. Bu qədər bəsit. Ver onu bizə deyirik (Fətullah Gülən nəzərdə tutulıur). ABŞ isə vermir. Amma bizə deyir ki, sən ver (casus Brunsonu nəzərdə tutulur). Mən güclüyəm, deməli mən haqlıyam. Xeyir, güclü olmaq haqlı deyil, haqlı güclüdür. Allahdan böyük güc yoxdur. Sadəcə, Allaha qul olacağıq. Bunlar iradələrini Pensilvaniyaya təslim ediblər. Bizim isə iradəmiz Allahın əlindədir”.

Dünyadakı ticarət müharibəsinə toxunan Ərdoğan deyib ki, biz artıq tədricən dövlətlər arasında milli valyutadan istifadə etməklə dollardan asılılığı aradan qaldırmağa başlamışıq.

Aysu Əliyeva,
Emtv.az