SON DƏQİQƏ

Gürcüstanın sabiq prezidenti Mixail Saakaşvili Ukraynanın prezidenti Pyotr Poroşenkonu ağıldankəm adlandırıb.

Emtv.az xəbər verir ki, sabiq prezident Mixail Saakaşvili “strana.ua”-ya müsahibəsində Poroşenkonun ünvanına sərt ifadələr işlətməklə yanaşı, ünvanına kəskin ittihamlar səsləndirib.

“Poroşenko mənim amerikalı dostuma deyib ki, Saakaşvili narkotik qəbul edir. Sən mənə inanırsan? Dəqiq bilirəm. Onun gözlərinə bax. Saakaşvili kokain iyləyir. Bu Poroşenko! Prezident! Ağıldankəmdir!”- Saakaşvili bildirib.

Onun sözlərinə görə, Poroşenko yalan danışır: “Bununla belə o dəqiq bilir ki, mən hər hansı narkotik maddə qəbul etmirəm. Həbsdə olanda bununla bağlı məndən üç dəfə qan analizi götürüblər”.

Poroşenkonu sözgəzdirən adlandıran Saakaşvili deyib ki, onu ümumiyyətlə düşməni hesab etmir: “O, sadəcə, hakimiyyətə gəlib ki, pul qazansın. Poroşenkonun bütün siyasəti “sat-al” siyasəti üzərində qurulub”.

Yuliya Timoşenkonun Poroşenko barəsində Ukraynada keçiriləcək növbəti prezident seçkiləri zamanı Donbasda gərginliyi artırmaqla yenidən hakimiyyətdə qalmaq barədə səsləndirdiyi fikrə reaksiya verən Saakaşvili bildirib ki, Poroşenkodan hər şeyi gözləmək olar: “O öz niyyətinə çatmaq istənilən cinayətkar addımı ata bilər. Poroşenko qorxaq deyil. O öz əclaflıqda cəsarətlidir”.

Poroşenkonu hələ tələbəlik illərindən tanıdığını qeyd edən Saakaşvili deyib ki, o hələ o zamandan pulla maraqlanardı: “Poroşenko biznesmen idi, oxumurdu, pul qazanırdı. O, təmiz bizneslə məşğul deyildi, insanları aldadırdı, onalar “atırdı”.

Saakaşvili Poroşenkonu cinayətkar adlandıraraq, onun məsuliyyətə cəlb olunmasını istəyib.

Aysu Əliyeva,
Emtv.az