SON DƏQİQƏ

İzmir məhkəməsi ev dustaqlığında olan amerikalı casus rahib barədə qərar verib.

Emtv.az xəbər verir ki, İzmir məhkəməsi rahib Andrey Bransonun azad edilməsi və ölkədən çıxışına icazə verilməsi ilə bağlı vəkilinin müraciətini rədd edib.

İzmir məhkəməsi rahibin vəkili İsmail Cemin müraciətini rədd edərək, A.Branson barədə seçilən ev dustaqlığı qərarını qüvvədə saxlayıb.

Branson barədə qərarı yuxarı instansiya məhkəməsi araşdıracaq.

Qeyd edək ki, Endryu Branson PKK və FETÖ terror təşkilatları üçün cinayət törətmək və dövlətin təhlükəsizliyi üçün gizli qalması lazım olan siyasi və hərbi bilgiləri casusluq məqsədilə istifadə etmək ittihamları ilə həbs edilib.

Onun barəsində məhkəmədən 35 il həbs cəzası tələb edilib. Lakin o, səhhətindəki problemlər səbəbilə həbsxanadan göndərilərək ev həbsinə məhkum olunub.

Xatırladaq ki, bir müddət öncə Endryu Bransonun Amerika Mərkəzi Kəşfiyyat İdarəsinin təqaüdə çıxarılmış agenti olması iddiaları yayılmışdı. Amerikanın Türkiyədən israrla istədiyi rahibin bu ölkəyə din xadimi pərdəsi altında məqsədli şəkildə göndərildiyi və onun həbsdən çıxdıqdan dərhal sonra Amerika Federal Təhqiqatlar Bürosu tərəfindən öldürüləcəyi bildirilir.

ABŞ həbsdə olan rahibin buraxılmaması səbəbindən Türkiyəyə sanksiya tətbiq edib.

Aynurə Kərimova,
Emtv.az
Paylaş: