14 avq 19:27Oxunub: 464 |

Mübariz Mənsimovun dənizçilərinin SOS siqnalı

Mübariz Mənsimovun dənizçilərinin SOS siqnalı

Mübariz Mənsimovun “Palmali” Şirkətlər Qrupunun daha bir gəmisi pis vəziyyətə düşüb.

Emtv.az yerli mətbuata istinadən xəbər verir ki, Rostov şəhər Həmkarlar İttifaqı Komitəsinin sədri Leonid Qluşak TASS-a bildirib ki, söhbət həm də Rusiya dənizçilərindən ibarət olan Riroil 2 gəmisinin ekipajından gedir, hansı ki, doqquz aydır əmək haqqı ödənmir, limana girmək üçün vəsaiti və yanacağı yoxdur.

Agentliyin həmsöhbəti bildirib ki, Riroil 2 gəmisi Qara dənizdə, Kerçensk boğazının arxasında 12-millik zonanın ərazisindədir. “Riroil 2 gəmisinin ekipajı təxminən doqquz ayın əmək haqqını almayıb, orada 11-12 nəfər insan var. Gəmidə yanacaq minimum həcmdədir, ekipaj fırtına və ya ştatdankənar vəziyyət halında təhlükəsiz yerə sığına bilməyəcək, insanların həyatı üçün təhlükə yaranıb”, – deyə Qluşak bildirib.

Həmkarlar İttifaqı Komitəsi sədrinin məlumatına görə, Mübariz Mənsimovun şirkətinin gəminin dənizçilərinə borcu təxminən 200 min dollar təşkil edir. Qluşak deyib ki, Həmkarlar İttifaqı Komitəsi məsələni həll etməyə, gəmini yedəklə sahilə çəkməyə çalışır.

Məlumata görə, “Palmali” şirkətinin dörd gəmisinin dənizçilərinə maaş ödəmirlər. Bunlar Riroil 5 (Azov limanı), Riroil 3 (Rostov-Don), Adriatic Mariner və Riroil 2 gəmiləridir.

Maaş borcuna görə daha əvvəl Riroil 5 gəmisinin ekipajı Malta bayrağı altında aclıq elan etdi, hansı ki, Azov limanında reyddə dayanmışdı. Nəqliyyat prokurorluğunun müdaxiləsindən sonra gəmi sahibi-Türkiyə şirkəti Azov və Rostov limanlarında dayanmış iki tankerin ekipajına ümumi məbləği 6 milyon rubldan çox olan maaş borcunu ödədi və dənizçilər etiraz aksiyasını dayandırdılar.

Riroil 2 ekipajı və qismən də türk limanı Ereqlidə reyddə dayanan Adriatic Mariner dənizçiləri ilə isə indiyə qədər hesablaşmayıblar.

Fəridə Yaşar,
Emtv.az
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 923
XƏBƏR LENTİ

Reklam
Məzənnə