14 avq 16:29Oxunub: 379 |

Rusiya mənbələri: “Belə davam etsə, Qarabağın da taleyi İrəvansız həll ediləcək” – Şimaldan Paşinyana sensasion mesaj

Rusiya mənbələri: “Belə davam etsə, Qarabağın da taleyi İrəvansız həll ediləcək” – Şimaldan Paşinyana sensasion mesaj

Xəzərin hüquqi statusuna dair konvensiyanın imzalanması regionda uzunmüddətli və qlobal irəliləyişlərə səbəb olacaq.

Emtv.az yerli mətbuata istinadən xəbər verir ki, Bu barədə “Krasnodarskie izvestie” portalının şərhçisi Konstantin İzotyevin məqaləsində deyilir.

Müəllifə görə mütəxəssislər bu sənəddən bütün sahilyanı ölkələrin udduğunu deyirlər. “Amma hamıdan çox udan Azərbaycan oldu”-o bildirir.

Müəllifin fikrincə konvensiya dənizin Azərbaycan üçün maksimal komfort bölgüsünü təmin edib və bu ölkə öz şelfində daha çox neft-qaz hasil edə biləcək.Əvəzində isə Rusiya onun icazəsi olmadan tikilən istənilən transxəzər kəmərini bloklamaq səlahiyyəti əldə edir.
Rusiya və İran üçün mühüm bənd həm də ondan ibarətdir ki, Xəzər hövzəsində regiondan kənar ölkələrinin hərbi iştirakı qadağandır. Faktiki olaraq görürük ki, hər iki ölkə Azərbaycanın xarici siyasət loyallığını neft və qazla alıblar”-rusiyalı müəllif bildirir.

Bəs Ermənistan?

Müəllif qeyd edir ki, Ermənistan bu razılaşmadan ancaq problem qazanacaq. Birincisi Xəzərdən heç bir neft-qaz kəməri bundan sonra da Ermənistan ərazisindən keçməyəcək, Azərbaycan buna imkan verməyəcək. İkincisi rəsmi İrəvanın NATO ilə oynaması onu zərbə altında qoyur.

“Rusiya İranla bərabər buna dözmək niyyətində deyil və əgər lazım olarsa erməni hakimiyyətinin qeyri-dost iyasətinin nəticələrini neytrallaşdırmaq üçün Azərbaycana istənilən köməyi edəcək. Nəhayət ən vacibi. Ermənistanın baş naziri Nikol Paşinyan növbəti mitinqdə özünün hakimiyyətə gəlişinin 100 günlüyünü qeyd etməyə hazırlaşır və yolüstü özünün siyasi opponentləri ilə haqq-hesab çürüdür, belə bir vaxtda regionda mühüm geosiyasi qərarlar Ermənistanın iştirakı olmadan qəbul edilir. Əgər belə davam etsə Dağlıq Qarabağın da taleyini İrəvansız həll ediləcəyi saat gəlib çatacaq”-məqalədə deyilir.

Sevinc Əlimova,
Emtv.az
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 923
XƏBƏR LENTİ

Reklam
Məzənnə