SON DƏQİQƏ

Dünən Ermənistanın Təhlükəsizlik Şurasının katibi Armen Qriqoryan İranın ölkədəki səfiri Seyid Kazım Səcadini qəbul edib.

Emtv.az yerli mətubata istinadən xəbər verir ki, Ermənistan mediasına istinadən xəbər verir ki, görüşdə erməni rəsmisi baş nazir Nikol Paşinyanın İran İslam Respublikasına planlaşdırılımış səfərinin əhəmiyyətini qeyd edərək, İrəvanın iki ölkə arasında enerji, səhiyyə, ekoloji, maliyyə və digər sahələrdəki əməkdaşlığın möhkəmləndirilməsinə hazır olduğunu bildirib.

Erməni mətbuatında indidən bu səfərlə bağlı müxtəlif rəylər səsləndirilir.

“Ermənistan hakimiyyəti əvvəlki iqtidarın İranla bağlı siyasətinə sadiq qaldığı barədə dəqiq mesajlar verməlidir”, – bu barədə iranşünas ekspert Armen Vardanyan yerli mətbuata müsahibəsində deyib.

A.Vardanyan İranın Nikol Paşinyanın hakimiyyətə gəldiyi ilk dövrlərdə İranın bir qədər çəkingən davrandığını, onun üçün də Paşinyanın may ayının 8-də seçilməsinə rəğmən rəsmi Tehranın onu tam 8 gün sonra təbrik etdiyini xatırladıb.

Erməni ekspert İranın Paşinyanın Qərb qüvvələrinin əli ilə hakimiyyətə gəlməsi ehtimalına görə bu cür davrandığını söyləyib: “Bu səbəbdən Nikol Paşinyan İran tərəfinə Ermənistanın İranla bağlı əvvəlki iqtidarların siyasətində heç bir dəyişiklik etməyəcəyi, o cümlədən Qərbin sanksiyalarına qoşulmayacağı barədə əminlik verməlidir”.



Iranşünas alim buna görə Qərbin Ermənistanı cəzalandıracağına inanmır: “Qərb özü bu məsələdə həmrəy deyil. ABŞ-dan fərqli olaraq Avropa Birliyi İranla münasibətlərin saxlanılmasından yanadır. O ki qaldı, Ermənistana təzyiqlərə, ABŞ-ın sanksiyaları İranda fəaliyyyət göstərən 20 böyük şirkətə qarşı yönələ bilərdi. Xoşbəxtlikdən, ya da bədbəxtlikdən İranda erməni kapitalı ilə fəaliyyət göstərən şirkət yoxdur”.

Vardanyan Ermənistanın İrandan neft almadığı üçün sanksiyaya məruz qalmayacağını da söyləyib: “Ermənistan-İran arasında tcarət dövriyyəsi o qədər aşağı səviyyədədir ki, sanksiyaların buna heç təsiri belə, çatmır”.

Digər iranşünas alim Emma Begicanyan Paşinyanın səfərində əsas gündəliyin siyasi münasibətlərin gücləndirilməsi olacağını bildirib.

O, səfərin Azərbaycanda neqativ reaksiya doğuracağını, İranın isə reaksiyasının müsbət yöndə olacağını söyləyib:“Bunun sayəsində Ermənistan 80 milyonluq İranda tanına biləcək. Ona görə də Paşinyanın ziyarətini müsbət qiymətləndirmək olar”.

Sevinc Əlimova,
Emtv.az
Paylaş: