İrandan ABŞ-a gözlənilməz müraciət » EMTV.az
11 avq 17:10Oxunub: 409 |

İrandan ABŞ-a gözlənilməz müraciət

İrandan ABŞ-a gözlənilməz müraciət

İranın xarici işlər naziri Məhəmməd Cavad Zərif prezident Donald Trampın Türkiyəyə qarşı son qərarından sonra ABŞ-ı sanksiyalar tətbiq etmək praktikasından imtina etməyə çağırıb.

Emtv.az yerli KİV-ə istinadən xəbər verir ki, bunu İranın xarici işlər naziri öz rəsmi "Twitter" səhifəsində yazıb.

"Trampın NATO üzrə tərəfdaşı Türkiyəyə qarşı iqtisadi çətinliklərin yaradılmasına sevinməsi utancvericidir. ABŞ özünün sanksiyalar və təcridetmə ilə bağlı asılılığından imtina etməlidir. Əks halda bütün dünya sözdə qınamaqdan imtina edib onları buna məcbur edəcəklər. Biz əvvəllərdə öz qonşularımızı dəstəkləmişik və indi də dəstəkləyəcyik", - deyə iranlı nazir bildirib.

Qeyd edək ki, Türkiyə prezidenti Donald Tramp bəyan edib ki, o Türkiyədən idxal olunan polad və alüminium üçün gömrük rüsumlarını iki dəfə artırıb.

"Türkiyəyə gəldiksə mən polad və alüminium üçün gömrük rüsumlarının iki dəfəyə qədər artırılmasına dair qərar verdim. Onların valyutası, Türkiyə lirəsi bizim güclü dollara qarşı münasibətdə kəskin aşağı düşür! Bundan sonra alüminium üçün gömrük rüsumu 20%, polad üçün isə 50% oldu. Bizim hazırda Türkiyə ilə münasibətlərimiz heç də yaxşı deyil!", - Tramp Twitterdə yazıb.

Qeyd edək ki, Türkiyə prezidenti Rəcəb Tayyib Ərdoğan Türkiyənin bu iqtisadi müharibəni uduzmayacağını bəyan edib.

Türkiyədə ABŞ dollarının məzənnəsi bu gün Bakı saatı ilə 10.23 radələrində 6 lirəni keçərək rekordu təzələyib.

Xatırladaq ki, Türkiyədən doqquz nəfərlik bir diplomatik heyət Amerika ilə Türkiyə arasındakı gərginlikləri aradan qaldırmaq məqsədilə Vaşinqtonda danışıqlar aparıb. ABŞ Dövlət Departamentinin sözçüsü Hizer Nauert nümayəndə heyəti ilə görüşlərin keçirildiyini, müzakirələrin davam etdiyini deyib.

Rahib Bransonın həbsi və Vaşinqton rəhbərliyinin aldığı sanksiya qərarları səbəbi ilə Türkiyə və ABŞ arasında başlayan böhranı həll etmək üçün ABŞ-a gedən türk nümayəndə heyəti dünən ABŞ dövlət katibinin birinci müavini Con Sullivan ilə bir araya gəlib.

Seymur Rəhimov,
Emtv.az
Məşədi Faiq ƏHMƏDOV-BAŞ YAZAR
“Azərbaycanın Səsi” İctimai Birliyinin sədri Faiq Əhmədov: Trampın Türkiyəyə qarşı tətbiq etdiyi sanksiyalar siyasi xarakter daşıyır...
“Azərbaycanın Səsi” İctimai Birliyinin sədri Faiq Əhmədov: Trampın Türkiyəyə qarşı tətbiq etdiyi sanksiyalar siyasi xarakter daşıyır...
Oxunub: 1813
XƏBƏR LENTİ

Reklam
Məzənnə