Azərbaycandakı yanğınlarla bağlı 15 nəfər həbs edildi » EMTV.az
09 avq 16:41Oxunub: 405 |

Azərbaycandakı yanğınlarla bağlı 15 nəfər həbs edildi

Azərbaycandakı yanğınlarla bağlı 15 nəfər həbs edildi

Respublika ərazisindəki əkin sahələrində, meşələrdə və yüksək gərginlikli elektrik xətlərinin keçdiyi ərazilərdə yanğın təhlükəsinin qarşısının alınması məqsədilə polis orqanları, eləcə də digər aidiyyəti dövlət qurumları tərəfindən bir sıra zəruri qabaqlayıcı tədbirlər həyata keçirilib, əhali arasında, fermerlər və digər torpaq mülkiyyətçiləri ilə izahat işləri aparılıb. Xüsusən taxıl biçimindən sonra kövşənlərin yandırılmasının yolverilməzliyi barədə onlar xəbərdar ediliblər.

Emtv.az xəbər verir ki, Daxili İşlər Nazirliyinin mətbuat xidmətindən bildiriblər ki, görülən tədbirlərə baxmayaraq, bəzi hallarda ayrı-ayrı vətəndaşlar tərəfindən yanğın təhlükəsizliyi qaydalarına riayət edilməməsi, torpağın guya münbitləşdirilməsi məqsədilə əkin sahələrinin, meşələrin və çöllüklərin yandırılması hallarına hələ də rast gəlinir. Bu da ciddi narahatlıq doğurur.

Belə hadisələrin qarşısının alınması istiqamətində polis orqanları tərəfindən həyata keçirilmiş tədbirlər nəticəsində yanğın törətdiklərinə görə 15 nəfər inzibati qaydada həbs edilib, 17 nəfər barəsində isə inzibati xəta haqqında protokol tərtib olunub.

Bu istiqamətdə qabaqlayıcı profilaktik tədbirlər davam etdirilir.

Aysu Əliyeva,
Emtv.az

Paylaş:
Məşədi Faiq ƏHMƏDOV-BAŞ YAZAR
“Azərbaycanın Səsi” İctimai Birliyinin sədri Faiq Əhmədov: Trampın Türkiyəyə qarşı tətbiq etdiyi sanksiyalar siyasi xarakter daşıyır...
“Azərbaycanın Səsi” İctimai Birliyinin sədri Faiq Əhmədov: Trampın Türkiyəyə qarşı tətbiq etdiyi sanksiyalar siyasi xarakter daşıyır...
Oxunub: 490
XƏBƏR LENTİ

Reklam
Məzənnə