"İran iqtisadiyyatında yaranan problemlər onun səriştəsizliyidir" - Deputatlar naziri günahlandırdı » EMTV.az
08 avq 16:04Oxunub: 512 |

"İran iqtisadiyyatında yaranan problemlər onun səriştəsizliyidir" - Deputatlar naziri günahlandırdı

"İran iqtisadiyyatında yaranan problemlər onun səriştəsizliyidir" - Deputatlar naziri günahlandırdı

İran parlamenti kooperasiya, əmək və sosial təminat naziri Əli Rəbiiyə etimadsızlıq göstərib.

Emtv.az yerli KİV-ə istinadən xəbər verir ki, deputatlar İran iqtisadiyyatında yaranan problemi onun səriştəsizliyi ilə əlaqələndiriblər.

Səsvermədə iştirak edən 243 deputatdan 129-u nazirin əleyhinə səs verib.

İran prezidenti Həsən Ruhani üç ay ərzində Əli Rəbiini tutduğu vəzifədən azad etməlidir.

Onun tərəfdarları isə bildirib ki, nazir ABŞ-ın tətbiq etdiyi sanksiyalara görə İran iqtisadiyyatında yaranmış problemlərdən dolayı məsuliyyət daşımır.

Xatırladaq ki, Əli Rəbii ABŞ-ın İrana qarşı sanksiyaları bərpa etməsinə belə münasibət bildirib: "Bu məhdudiyyət səbəbindən İranın bir milyon vətəndaşı işsiz qalacaq. ABŞ-ın birtərəfli addımı bizim üçün böyük maliyyə problemi yaradacaq".

Odur ki, bu açıqlamasına görə parlamentin ona etimadsızlıq göstərdiyi ehtimal olunur.

62 yaşlı Əli Rəbii hakimiyyətiçi islahat xəttinin təmsilçilərindəndir. 1997-2005-ci illərdə İranın o vaxtkı prezidenti Məhəmməd Xatəminin müşaviri olub.

Sevinc Əlimova, Emtv.az
Məşədi Faiq ƏHMƏDOV-BAŞ YAZAR

"Azərbaycanın Səsi" ictimai birliyinin təşkilatçılığı ilə "EsmaMedia TV" İnternet kanalında Azərbaycan Mətbuatının yaranmasının 143-cü il dönümünə həsr olunmuş tədbir keçirilmişdir - FOTOLAR
Oxunub: 1327
XƏBƏR LENTİ

Reklam
Məzənnə