SON DƏQİQƏ

ABŞ prezidenti Donald Tramp Çin məhsullarına qarşı əlavə 25 faizlik gömrük vergsinin tətbiq edilməsi barədə fərman imzalayıb.

Bununla da ABŞ Çin məhsullarına tətbiq ediləcək 50 milyard dollarlıq gömrük rüsumunun ikinci mərhəsləsinə qədəm qoyub.

Emtv.az xəbər verir ki, ikinci mərhələdə 16 milyard dollarlıq Çin məhsuluna əlavə gömrük rüsumu tətbiq ediləcək.

Çin məhsullarına qarşı tətbiq edilən vergi qərarı avqustun 23-dən rəsmən qüvvəyə minəcək.

ABŞ prezidenti Donald Tramp Çin məhsullarına 25 faizlik gömrük rüsumunun ikinci mərhələsinin başlanması barədə qərar verməyinin əsas səbəbini texnoloji oğruluq etməsi və ədalətsiz ticarət əməliyyatları həyata keçirməsi ilə izah edib.

ABŞ Ticarət Təmsilçiliyi Çin məhsullarına tətbiq ediləcək 25 faizlik gömrük rüsumunun siyahısını da açıqlayıb. Bu siyahıda 279 Çin məhsulunun adı qeyd edilib. Bunlar arasında mühərrik yağları, akrilik polimer və yarımkeçircilər də var.

İyulun 7-də Çin məhsullarına qarşı tətbiq edilən 34 milyard dollarlıq əlavə gömrük vergisinin birinci mərhələsindəki siyahıya isə 818 məhsul daxil edilib. Bunlar əsasən Çinin müdafiə, aviasiya və istehsal sektorunu əhatə edir. Bura nüvə reaktorları, qaz trubinləri, hava və qaz mayeləşdirici avadanlıqlar, kommersiya məqsədli sobalar və çirkab təmizləyən maşınlar daxildir.

Aynurə Kərimova,
Emtv.az
Paylaş: