SON DƏQİQƏ

Adnan Oktarın cinayətkar dəstəsi ilə bağlı aparılan istintaq çərçivəsində daha bir skandal ortaya çıxıb.

Emtv.az xəbər verir ki, Türkiyə mətbuatına istinadən xəbər verir ki, istintaqa ifadə verən bir nəfər şikayətçi cinayətkar dəstənin imamı Bora Yıldızın gənc qızları necə tələyə salmağını deyib.

Şikayətçi Boranın qızları necə aldatması ilə bağlı Adnan Oktardan təlimat aldığını söyləyib.

O deyib ki, Adnan Oktar qızları necə aldatmaqla bağlı təlimatlar verib: “Məsələn, Adnan Oktar daxili telefonla bizə gənc qızları necə yoldan çıxarıb, təşkilata üzv edəcəyimizi izah edirdi. “Səni reklam ulduzu edəcəyik” deyə təlimat alırdıq Adnan Oktardan”.

Bora Yıldızın haqqında danışan şikayətçi deyib ki, Adnan Oktarın yanında olanlardan bir neçəsi ticarət mərkəzlərini dolaşır, gözəl qızların yanına ilk olaraq Dolunay Tezgin gedərdi: “Özlərini reklam şirkətinin nümayəndələri kimi təqdim edir, bu yolla qızları aldadırdılar. Daha sonra təşkilata qız gətirmək üçün Ender Daban və Kartal Göktan ilə tanış edərdi. Qız Adnan Oktarın dəstəsində 50-60 kişi ilə birlikdə olur və kölə halına gətirilirdi. Psixoloji və fiziki baxımdan çökən qız artıq Adnan Oktara təqdim edilirdi”.

Şikayətçi onu da əlavə edib ki, Adnan Oktar telekanllarda gözəl aparıcı qızları gördüyündə onları təşkilata gətirmək barədə təlimatlar verirdi. Bora Yıldızın hətta bu yolla bir neçə aparıcı olduğu istintaqa bildirilib.

Aysu Əliyeva
Emtv.az