SON DƏQİQƏ

Bir neçə ay bundan öncə cinayətkar hərbi xuntadan canını qurtaran Ermənistan məxməri inqilab nəticəsində hakimiyyətə gələn Nikol Paşinyan hərəkatından gözləntiləri çox olsa da, erməni cəmiyyətinin növbəti gözləntiləri də öləziməkdə və puça çıxmaqdadır. Sadə ermənilər Nikol Paşinanın hakimiyyətə gəlişi ilə ilk növbədə sosial-iqtisadi vəziyyətlərinin düzələcəyini gözləsə də, bu, ümidlər özünü doğrultmadı.

Nikol Paşinyan qələbəsinin ilk günlərindən qısa zamanda ölkədə əhalinin sosial-iqtisadi vəziyyətinin düzələcəyi, ölkədə investisiya bumunun yaşayacağını bəyan etsə də, bu gözləntilər özünü doğrultmadı. Əksinə, ölkədəki iş adamları öz sərmayələrini ölkədən çıxarmağa üz tutdu. Bir sıra iş adamları öz obyektlərini satışa çıxarıb.

Emtv.az-ın trend-ə istinadən xəbərinə görə, Ermənistan əhalisini məyus edən hallardan biri də Paşinyan hakimiyyətə gəldikdən sonra uzun aylar boyunca əmək haqqı almayan insanların ümidlərinin puça çıxması oldu. Belə ki, uzun aylar boyunca əməkhaqqını almayan müəssisələrin bir çoxuna Paşinyan inqilabının ilhamvercilərindən olan iş adamlarının nəzarətində olub. Odur ki, Paşinyanın vəddlərinin əksinə olaraq ölkədə iqtisadi inkişaf əvəzinə tənəzzül yaşanmaqdadır.

Ermənistanda yeni hakimiyyətin fəaliyyəti nəticəsində qısa zaman ərzində kiçik və orta sahibkarlığın vəziyyəti pisləşməyə başlayıb. Ermənistan hakimiyyətinin yürütdüyü siyasət nəticəsində biznes mühiti üçün ciddi təhlükə yaranıb. Çünki yeni hakimiyyət müxtəlif metodlarla rəqiblərini sıradan çıxarmaq yolunu tutub. Ona görə də iş adamları öz vəsaitlərini hər vasitə ilə daha təhlükəsiz ölkəyə köçürməyə üstünlük verməkdədir.

Nəticədə Ermənistanda maliyyə axını kütləvi hal alıb və ekspertlər isə bunu ölkənin təhlükəsizliyinə ciddi təhdid hesab edir.

Emtv.az