SON DƏQİQƏ

Emtv.az yerli mətbuata istinadən həmin müsahibəni kiçik ixtisarla təqdim edir.



– Adnan Oktar təşkilatı deyilən bu qurumda neçə il qaldınız?

– 10-11 il qaldım.

– Təşkilatın qanundankənar üzünü nə zaman fərq etməyə başladınız?



– Bu üzü ilk dəfə 2010-2011-ci ildə israilli siyasətçilər və massonlarla ilk görüşlər başlayanda fərq etdim. O illərə qədər hamımız Adnan Oktarın vitrindəki üzünü İsrail və Masson qarışı olaraq tanıyarkən, bir anda İsaril ilə həddindən artıq yaxın və Türkiyədən gizli əlaqələr qurulmağa başlanıldı. Bu ani dönüş də məni çox sarsıtdı.



– Ayrılmağa necə qərar verdiniz?

– Bu təşkilatda qaldıqca daha gizli məlumatlar öyrənməyə başladım. Bu təşkilata qoşularkən mənə göstərilən insanlığa xidmət üzünün əslində bir pərdə olduğundan şübhələnməyə başladım. Masson əleyhidarlığından bir anda 33 dərəcə massonluğa sıcrayış məni camaatı sorğulamağa məcbur etdi. Camaat içi boş məntiq və təlimatlarla idarə olunurdu.



Bu dönəmdə məndən ABŞ-dakı ən önəmli düşüncə mərkəzləri ilə əlaqələr qurmağım istənildi. Hətta hər şeyi öz təşəbbüsümə buraxmayıb, bəzi təşkilatlarda olan əsas fiqurların məlumatları da verildi. Mənə adları və əlaqələrin detalları verilən xüsusi hədəflərlə heç bir problem yaşamadan və qeyri-adi bir sürətlə əlaqə qura bilirdim. Bu tipli qurumlarda istəklərimiz heç müzakirə olunmadan qəbul ounurdu.



Bundan sonra bu təşkilatlara və müxtəlif siyasi qurumlara Türkiyə haqqında verilməsi təhlükəli sandığım məlumatları göndərməyim istənildi. Bu məlumatlar camaat tərəfindən yaradılan Türkiyənin siyasi quruluşu, prezidentlik sisteminin nəticələri, Rəcəb Tayyib ərdoğandan sonra siyasi zəif nöqtələri özündə əks etdirən hesabatlar idi. Bu vəzifə ilə əlaqədər Adnan Oktarla qarşılaşdığımda bunun əlverişsiz olduğunu söyləyəndə, “bizi maraqlandırmaz, biz deyilənləri edirik. İmamı sorğulamaq sənin həddin deyil, sənə nə söyləyirəmsə, onu elə”, dedi.
Nəhayət, vicdanım mənim rahat buraxmadı və 2013-cü ildə təşkilatdan qaçmaq üçün plan qurdum. Lakin Florensiya Nightingale xəstəxanası önündə mühafizəçilərdən qurtulub, taksiyə minmək istərkən yaxalandlm. Telefonum, kompyuterim əlimdən alındı, təşkilatın qərargahı olan və 120 kamera ilə qorunan və geniş bir ərazinin içində olan evdə tutulmağa başladım.



Adnan Oktar camaatında münafiq və agent elan edildim, çox uzun müddət cəzalandırıldım. Sadəcə, qələbəlik qrup və zirehli maşınlarla yayımlara gedib, gəlirdim. Çox zaman avtomobilimi arxadan başqa bir avtomobil izləyirdi. Hətta həkimdə gedəndə də yanımda ən azı 3 mühafizəçi olurdu. Bu səbəbdən təşkilatdan ayrılmaığımıbir müddət təxirə saldım. Çünki ailəmə və qohumlarıma qarşı bir linç edilmə kampaniyası başladılmasını istəmirdim. Özümü fəda edərək ailəmi bu pisliklərdən qorumaq istədim.



Əslində, camaata qoşulduğum və çox radikal olduğum ilk illərdə ailəmi dilə gətirilə bilinməyəcək iftiralarla çox üzmüşdüm. 2017-ci ildə Adnan Oktar əsas qərargahda onu davamlı tənqid etdiyim üçün məni təşkilatın “bacılar qrupu”ndakı evlərdən birinə göndərdi. Yaxşı qorunan bir ev olmasına baxmayara, plan quraraq, bu dəfə qaçmağı bacardım.

– Təşkilat daxilində sizi ən çox narahat edən nə idi?

– Ən çox məni narahat edən ölkəmizə qarşı xainlik, İslam adı altında insanların dini duyğularının istismar edilməsi, yeniyetmə yaşda qızların aldadılıb, həyatlarının məhv edilməsi və bir çox qızın uyğun olmayan fotolarının və video görüntülərinin çəkilməsi idi. Əslində, bunlar təşkilata üzv edilən insanlara və onların yaxın ətrafına tam mənası ilə bir kabus həyatı yaşadan həbs sistemi idi.

Aynurə Kərimova
Emtv.az