SON DƏQİQƏ

ABŞ-ın Avropa ölkələrindən polad və alüminium idxalı ilə bağlı gömrük vergisini artırması Vaşiqntonla Avropa İttifaqına üzv və üzv olmayan Qərb ölkələri arasında ciddi gərginliyə gətirib çıxarıb.

Artıq Avropa ölkələri də ABŞ-ın bu hərəkətini cavabsız qoymaq niyyətində deyil.

Kanadanın xarici işlər naziri Xristiya Frilend bəyan edib ki, Vaşinqtonun bu addımına cavab olaraq ABŞ-dan idxal olunan məhsullara 12,8 milyard dollar həcmində əlavə dəyər vergisi tətbiq etməklə yanaşı, onun polad və alüminiuma qarşı tətbiq etdiyi gömrük vergisi ilə bağlı Ümumdünya Ticarət Təşkilatına da şikayət edəcək.

Nazir deyib ki, ABŞ məhsullarına tətbiq edilən vergi qərarı iyulun 1-dən etibarən qüvvəyə minəcək: “Bu qərar ABŞ-ın qərarı dəyişməyənədək qüvvədə qalacaq”.

İngiltərənin dam ötrükləri ilə məşğul olan “UK Steel”in rəhbəri Gareth Stace, ABŞ-ın polad və alüminium sektoruna yönəlik gömrük vergisini tətbiq etməsini Vaşinqtonun Avropa Birliyi (Aİ) liderlərinin başına silah dirəmiş vəziyyət kimi dəyərləndirib.

Bu barədə BBC-yə mövqeyini açıqlayan Stace bildirib ki, ABŞ-ın bundan əvvəl Çinə qarşı tətbiq etməyə planlaşdırdığı proteksionist tədbirləri indi Avropa Birliyinə qarşı tətbiq etməyə çalışır.

Fransanın maliyyə naziri Bruno Le Mariya, ABŞ-ın Avropalı metal istehsalçılarına qarşı gömrük vergisini artırmasının “əsassız” və “təhlükəli” olduğunu söyləyib.

Emtv.az