13 apr 15:02Oxunub: 329 |

Britaniya hökuməti: Rusiya Skripalı azı 5 il izləyib

 Britaniya hökuməti: Rusiya Skripalı azı 5 il izləyib

Rusiya xüsusi xidmət orqanları 5 il ərzində Böyük Britaniyada Sergey Skripalı izləyiblər.

Emtv.az yerli mətbuata istinadən xəbər verir ki, bu barədə Böyük Britaniyanın milli təhlükəsizlik üzrə müşaviri Mark Sedvill tərəfindən NATO baş katibi Yens Stoltenberqə göndərilən məktubda deyilir. Məktub Sergey Skripal və qızının Solsberi şəhərində zəhərlənməsi üzrə aparılan təhqiqata həsr olunub.

Məktubda Skripal işi ilə bağlı məxfi informasiyalar yer alıb. Orada deyilir ki, Rusiya xüsusi xidmət orqanları bir neçə il ərzində “Noviçok” əsəb-iflic qazı ilə sınaqlar aparıblar. Skripallar məhz bu qazla zəhərlənib. Bundan başqa, Rusiya xüsusi xidmət orqanları 2013-cü ildən bəri Skripalların elektron poçtunu da nəzarətdə saxlayıb.

M. Sedvill Rusiyanın Solsberi olayını təşkil etməsi ehtimalının yüksək olduğunu bildirib: “Bu məsələdə yalnız Rusiya texniki vasitələrə, əməliyyat təcrübəsinə və motivə malikdir”.

Qeyd edək ki, Skripalların martın 4-də zəhərlənməsi hadisəsi beynəlxalq miqyasda geniş əks-səda doğurub və Rusiya ilə Qərb arasında yeni diplomatik böhrana səbəb olub.

Emtv.az
Məşədi Faiq ƏHMƏDOV-BAŞ YAZAR
Faiq ƏHMƏDOV:Tanrı Azərbaycan Xalqına Ümummilli Lider Heydər Əliyevi Yeganə Xilasgar Kimi, Yeganə Şans Kimi Qoruyub Saxlamışdır...-VİDEO-FOTOLAR
Faiq ƏHMƏDOV:Tanrı Azərbaycan Xalqına Ümummilli Lider Heydər Əliyevi Yeganə Xilasgar Kimi, Yeganə Şans Kimi Qoruyub Saxlamışdır...-VİDEO-FOTOLAR
Oxunub: 4171
XƏBƏR LENTİ

Reklam
Məzənnə