12 fev 12:35Oxunub: 384 |

Erməni generalı etiraf etdi: “Orduda...”

Erməni generalı etiraf etdi: “Orduda...”

Azərbaycanın işğal altında olan Dağlıq Qarabağ bölgəsində düşmənin qeyri-qanuni hərbi birləşmələrində insidentlərin sayı kəskin artıb. Vəziyyət o həddə çatıb ki, qondarma qurumun “müdafiə naziri”, general-leytenant Levon Mnaçakanyan news.am-a müsahibəsində bunu etiraf etmək məcburiyyətində qalıb.

Emtv.az xəbər verir ki, Mnaçakanyan nizamnaməyə uyğun olmayan insidentlərin sayında artımın qeydə alındığını, bunun narahatlıq doğurduğunu deyib.

Erməni general ciddi-cəhdlə qeyri-döyüş şəraitində ölüm hallarının azaldığını söyləməklə real faktları gizlətməyə çalışıb. Ötən il Ermənistan ordusunda qeydə alınan ölüm faktları seperatçı generalının dediklərini tamamilə təkzib edir. Hələ 2017-ci ilin yanvar ayından 27 noyabr tarixinədək Ermənistan ordusunda 59-dan çox ölüm hadisəsi qeydə alınıb. Noyabrdan sonra da düşmən ordusunda ölüm hallarına bir neçə dəfə rast gəlinib.

“Təbii ki, istənilən rəqəm narahatlıq doğurur, nizamnaməyə uyğun olmayan insidentlərə gəldikdə isə bu istiqamətdə maarifləndirici iş aparılır”, – Mnaçakanyan deyib.

Mnaçakanyan müsahibəsində Aprel döyüşlərini hələ də unutmadıqlarını gizlətməyib. Bildirib ki, erməni ordusu aprel məğlubiyyətindən dərs çıxarmağa çalışır.

“Təbii ki, hər bir insidentdən sonra diqqətlə analiz aparılır. Bu, 2016-cı ilin aprelindən sonra da baş verdi. Bütün hadisələr və hərəkətlər diqqətlə öyrənildi, analiz edildi, nəticələr çıxarıldı və onların nəticələrinə əsasən işlər aparılır. Lakin biz hazırkı mərhələnin yetərli olmadığını hesab edirik”.(azvision.az)

Emtv.az
Məşədi Faiq ƏHMƏDOV-BAŞ YAZAR
“Azərbaycanın Səsi” İB-də növbəti tədbir keçirildi - Cənab İlham Əliyevin növbəti prezident seçkilərində qələbə qazanacağı heç kimdə şübhə yarada biməz- ölkəmizi uğurla inkişaf etdirə biləcək yeganə siyasi lider məhz cənab İlham Əliyevdir - FÖTOLAR
“Azərbaycanın Səsi” İB-də növbəti tədbir keçirildi - Cənab İlham Əliyevin növbəti prezident seçkilərində qələbə qazanacağı heç kimdə şübhə yarada biməz- ölkəmizi uğurla inkişaf etdirə biləcək yeganə siyasi lider məhz cənab İlham Əliyevdir - FÖTOLAR
Oxunub: 1354
XƏBƏR LENTİ

Reklam
Məzənnə