SON DƏQİQƏ

Rusiya xarici işlər naziri Sergey Lavrov Dağlıq Qarabağ münaqişəsinin həlli yolları ilə bağlı suala münasibət bildirib.

Emtv.az xəbər verir ki, nazirin sözlərinə görə, Moskva atəşkəs xəttindəki vəziyyəti daha sakit etməyin vacibliyini qeyd edib.

“Düşünürəm ki, atəşkəs xəttində hər şeyin sakit olması üçün əlavə addımlar qəbul etmək vacibdir. Bu məsələnin siyasi həllinə keçməyə kömək edər. Dağlıq Qarabağ problemini bir sənədlə bir dəfəyə, birdəfəlik həll etmək mümkün deyil. Dağlıq Qarabağın statusu daxil yekun nizamlanmasnı ehtiva edən əlavə müzakirələrlə bağlı həll yollarını müəyyən edəcək razılaşmalara mərhələli yanaşma lazımdır” – Sergey Lavrov belə deyib.

O, diplomatların münaqişənin nizamlanması ilə bağlı intensiv və daimi işlədiyini bildirib. Lavrov deyib ki, münaqişənin həlli ilə bağlı Rusiyanın konkret planları ola bilməz. Onun sözlərinə görə, Rusiya prosesin digər iştirakçıları birgə tərəflərin üz-üstə düşən yanaşmalarını təşkil edərək nimzamlanma üçün şərait yaradır.

“Bizə hər iki tərəfdən (Azərbaycan və Ermənistan) müsbət impulslar gözləyirik” – o, belə deyib.

Emtv.az