17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Beynəlxalq Tələbə-Gənclər Həftəsi münasibətilə keçirilən idman yarışlarına yekun vurulub
Naxçıvanda fəaliyyət göstərən ali və orta ixtisas təhsili müəssisələrinin tələbələri arasında 10-17 noyabr – Beynəlxalq Tələbə-Gənclər Həftəsi münasibətilə yüngül atletika üzrə keçirilən muxtar respublika birinciliyinə yekun vurulub.
Naxçıvan Muxtar Respublikası Ali Məclisinin Sədri yanında Gənclər Fondu, Naxçıvan Muxtar Respublikası Gənclər və İdman Nazirliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi və Yüngül Atletika Federasiyasının birgə təşkil etdiyi birincilikdə 70-ə yaxın atlet mübarizə aparıb.
Naxçıvan Muxtar Respublika Stadionunda keçirilən yarışın reqlamentinə əsasən oğlanlar 100, 200, 400, 800 və 1500, qızlar isə 100, 200, 400 və 800 metr məsafəni qət ediblər.
Yekun nəticəyə əsasən oğlanlar arasında Məhəmməd Tağıyev, Bəhlul Əsgərli, Sərdar Tağıyev, Cəbrayıl Yunusov və Əmrah Nağıyev müvafiq olaraq 100, 200, 400, 800 və 1500 metr məsafələrdə finiş xəttinə hamıdan birinci çatıblar. Qızların mübarizəsində isə Gülayə Cəfərova (100 və 400 metr), Aytən Rəhimova (200 metr) və Sevgi Məmmədli (800 metr) qalib adını qazanıblar.
X X X
Beynəlxalq Tələbə-Gənclər Həftəsi münasibətilə digər bir yarış isə Naxçıvan şəhərindəki İlham Əliyev adına Olimpiya İdman Kompleksində keçirilib. Muxtar respublikada fəaliyyət göstərən ali və orta ixtisas təhsili müəssisələrinin oğlan tələbələri voleybol üzrə birincilikdə qüvvələrini sınayıblar.
Naxçıvan Muxtar Respublikası Ali Məclisinin Sədri yanında Gənclər Fondu, Naxçıvan Muxtar Respublikası Gənclər və İdman Nazirliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi və Voleybol Federasiyasının birgə təşkil etdiyi birincilik olimpiya sistemi üzrə keçirilib.
Altı komandanın mübarizə apardığı birinciliyin həlledici görüşündə “Naxçıvan” Universiteti ilə Naxçıvan Dövlət Universitetinin komandaları üz-üzə gəlib. Daha üstün oyun sərgiləyən “Naxçıvan” Universitetinin tələbələri 3:0 hesabı ilə qalib gələrək yarışın baş mükafatını qazanıblar. Naxçıvan Tibb Kollecinin komandası isə üçüncü olub.
Qaliblər bu gün noyabrın 17-də “Gənclik” Mərkəzində keçiriləcək tədbirdə mükafatlandırılacaqlar.
Emtv.az