SON DƏQİQƏ

Rusiya Türkiyəyə satacağı S-400 HHM sistemlərinin daxili mexanizminə müdaxilə haqqını vermək tələbələrini rədd edib.

Emtv.az xəbər verir ki, bu iddia ilə Gazeta.ru saytı çıxış edib. Qəzetə məlumat verən mənbə məsələ barədə bu sözləri deyib:

“S-400 sistemlərinə aid elektron kodların hamısını və daxili mexanizmi Türkiyəyə verməyəcəyik. Müqaviləyə görə, texniki təmir işlərini ancaq biz görəcəyik. Onlar isə bu sistemin içini açmayacaq”.

“Sputnik” agentliyinə adını açıqlamaq istəməyən mənbə Türkiyəyə satılacaq S-400 sistemləri üçün hədəflərin hansı ölkəyə məxsus olduğunu müəyyən edən radarın da Rusiya tərəfindən qurulacağını bildirib:

“Türklərin S-400 sisteminin daxili mexanizmlərini görmək tələbini yerinə yetirməyəcəyik. Belə ki, sistemlərin içərisinə bir cismin düşmənə yaxud, sizin ölkənizə aid olduğunu göstərən Rusiya istehsalı radar sistemi qurulacaq. Türklər kodları və nəzarəti onlara verməmizi istədilər. Ancaq biz bunu rədd etdik”.

Rusiya Təhlükəsizlik, Müdafiə və Hüquq məsələləri Akademiyasının sədr müavini Viktor Yesin Gazeta.ru-ya verdiyi müsahibədə HHM sistemlərinin daxili mexanizminə giriş icazəsinin verilməməsinin bu silahların ixracatı prosedurasında adi bir qayda olduğunu bildirib:

“Ölkələr arasında satınalma müqaviləsi bağlandıqda, satın alan tərəfin sistemləri özünü sökməsi hüququ verilməz. Xidmət işləri sadəcə bizim mütəxəssislərimiz tərəfindən icra edilir. Belə ki, satın alan tərəf sistemləri üçüncü ölkəyə satmamaq və ya sistemdə dəyişiklik etməmək öhdəliyi götürür. Onlara bu sistemlərin necə istehsal olunmasına dair sənəd də verilməz”.

Emtv.az