SON DƏQİQƏ

Ötən gün Yasamal rayonu ərazisində yol qəzası hadisəsi baş verib.

Emtv.az xəbər verir ki, 1977-ci il təvəllüdlü Saatov Hakim Aslan oğlunun 39 saylı avtobus marşrut üzrə idarə etdiyi “Daewoo” markalı 99-XV-274 dövlət nömrə nişanlı avtobusla A.Şərifzadə küçəsində yolun kənarında dayanmış piyada Əskərova Günel Adəm qızını vuraraq öldürüb. Özü isə hadisə yerindən qaçıb. H.Saatovun hadisə yerindən qaçması faktına görə rayon Polis İdarəsinin İstintaq Şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.

Aparılmış təxirəsalınmaz istintaq-əməliyyat tədbirləri nəticəsində H.Saatov sentyabrın 14-də şübhəli şəxs qismində tutularaq müdafiəçi ilə təmin edilməklə dindirilib.

İstintaq zamanı H.Saatovun avtobusu nəqliyyat vasitəsini idarə etmə hüququ olmadan idarə etməsi müəyyən edildiyindən əməl Cinayət Məcəlləsinin 263-1.3 (nəqliyyat vasitələrini idarə etmək hüququ olmayan şəxs tərəfindən yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələrinə tövsif edilib.

H. Saatov iş üzrə təqsirləndirilən şəxs qismində cəlb olunaraq ona Cinayət Məcəlləsinin qeyd edilən maddələri ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.

Hazırda iş üzrə zəruri istintaq tədbirləri davam etdirilir.

Sürücülük vəsiqəsi olmayan, əvvəllər yol-nəqliyyat hadisəsi törətdiyinə görə məhkum olunmuş adamı sürücü işinə götürən 39 saylı marşrut xəttinin sahibi cəzasız qalacaq? Yoxsa 50-60 min manat rüşvət verəcək və adamları qırmağa davam edəcək?

Maraqlıdır, sürücülük vəsiqəsi olmayan, əvvəllər yol-nəqliyyat hadisəsi törətdiyinə görə məhkum olunmuş adamı sürücü işinə götürən 39 saylı marşrut xəttinin sahibi cəzasız qalacaq? Yoxsa 50-60 min manat rüşvət verəcək və adamları qırmağa davam edəcək?

Bakı Nəqliyyat Agentliyinin (BNA) İctimaiyyətlə əlaqələr şöbəsinin sektor müdiri Mais Ağayev müxbirimizlə söhbətində “Hadisə ilə bağlı hələ ki, istintaq araşdırması davam edir” deyib:

“Bununla yanaşı, Bakı Nəqliyyat Agentliyi qeyd edim ki, hər zaman işində səhlənkarlıqla yol verən, sərnişinlərin həyatını təhlükəyə atan daçıyıcılara və sürücülərə münasibətdə hər zaman barışmaz mövqedə olub.

39 saylı marşrut xəttinin istismarını həyata keçirən sürücüyə də qarşı eyni mövqedəyik. Yaxən vaxtlarda görülən tədbirlərlə bağlı rəsmi açıqlama veriləcək”.

Aytən

Emtv.az