Naxçıvan Muxtar Respublikası Standartlaşdırma, Metrologiya və Patent üzrə Dövlət Komitəsində payız-qış mövsümünə hazırlıqla əlaqədər müşavirə keçirilib
6-09-2017, 14:27 | Oxunub: 9 173 |
Naxçıvan Muxtar Respublikası Standartlaşdırma, Metrologiya və Patent üzrə Dövlət Komitəsində 2017-2018-ci illərin payız-qış mövsümünə hazırlıq və qarşıda duran vəzifələr mövzusunda müşavirə keçirilib.Emtv.az azərtac-a istinadən xəbər verir ki, müşavirədə komitənin sədri Bəxtiyar İsmayılov çıxış edib. Komitə sədri bildirib ki, standarta uyğun olmayan və sənaye üsulu ilə hazırlanmayan qızdırıcı elektrik və qaz cihazlarının muxtar respublikaya gətirilməsinə və istismarına yol verilməməsi, bu barədə istehlakçılar və sahibkarların əvvəlcədən məlumatlandırılması barədə Fövqəladə Hallar Nazirliyi, Dövlət Gömrük Komitəsi və Standartlaşdırma, Metrologiya və Patent üzrə Dövlət Komitəsinin birgə iş planı təsdiq edilib. İş planına uyğun olaraq aidiyyatı orqanların nümayəndələri ilə birgə muxtar respublikada bu istiqamətdə fəaliyyət göstərən 126 təsərrüfat subyektində müşahidə xarakterli monitorinqlər aparılıb.Bəxtiyar İsmayılov bildirib ki, 28 təsərrüfat subyektində maye yanacaq və odun sobalarının satışı həyata keçirildiyindən müvafiq sobalardan qaz sobası qismində istifadənin insan həyatı üçün təhlükəli olmasına dair məlumatları əks etdirən maarifləndirici yarlıqların sobaların üzərinə vurulması təmin edilib. 19 təsərrüfat subyektində təhlükəsizlik sistemi, Azərbaycan dilində istifadə təlimatı və keyfiyyəti təsdiqləyən müvafiq müşayiətedici sənədləri olmadığından 48 mətbəx üçün qaz pilətəsi satışdan çıxarılıb, bunlardan 20 ədədinin istehsalçı ölkəyə geri göndərilməsi təmin olunub. Komitə sədri təhlükəsizlik sistemi olmadığından 1 ədəd mətbəx üçün qaz pilətəsi, sənaye üsulu ilə hazırlanmayan 14 ədəd qaz başlığı və 1 ədəd elektrik su qızdırıcısının satışdan çıxarıldığını da deyib.Komitənin Metrelogiya şöbəsinin müdiri Ceyhun Əliyev məruzə ətrafında çıxış edərək payız qış mövsümünə hazırlıqla bağlı məlumat verib.
Müşavirəyə komitə sədri Bəxtiyar İsmayılov müşavirəyə yekun vuraraq Muxtar respublikaya idxal olunacaq qaz cihazlarının Standartlaşdırma, Metrologiya və Patent üzrə Dövlət Komitəsinin “Məişət qaz avadanlıqlarının sınaq laboratoriyası”nda yoxlamadan keçdikdən sonra idxalına, satışına və istismarına icazə veriləcəyini bildirib. Komitə sədri kütləvi informasiya vasitələrində maarifləndirici verilişlərin və məqalələrin hazırlanması və digər məsələlər üzrə konkret tapşırıqlar verib.Emtv.az
OXŞAR XƏBƏRLƏR