05 sen 13:45Oxunub: 243 |

Qeysəriyyə əməliyyatı zamanı körpə öldü: "Hələ bizdən 300 manat da istəyirlər"

Qeysəriyyə əməliyyatı zamanı körpə öldü: "Hələ bizdən 300 manat da istəyirlər"
Qazax rayonunda vaxtından əvvəl qeysəriyyə əməliyyatı ilə dünayaya gələn körpə ölüb.

Emtv.az report-a istinadən xəbər verir ki, Qazax rayon Yuxarı Salahlı kənd sakini, 1989-cu il təvəllüdlü Vusalə Məhəmməd qızı Məmmədrzayeva sentyabrın 2-də saat 20.00 radələrində Qazax rayonunda yerləşən xəstəxanalardan birində qeysəriyyə əməliyyatı ilə dünyaya oğlan uşağı gətirib.

V.Məmmədrzayevanın qaynatası Mətləb Məmmədov bildirib ki, gəlini doğuşa 22 gün qalmış əməliyyat edilib və dünyaya oğlan uşağı gətirib. Əməliyyatdan 1 gün sonra uşağın vəziyyəti ağırlaşıb və valideynləri tərəfindən Gəncə şəhərində yerləşən xəstəxanaların birinə aparılıb. Lakin onun həyatını xilas etmək mümkün olmayıb.

M.Məmmədov nəvəsinin ölümündə qeysəriyyə əməliyyatını aparan cərrah Bünyamin Abbasəliyevi günahlandırıb:

"Biz Bakıda olanda eşitdik ki, gəlinim anası və yoldaşı ilə həkimin yanına gedib və orada qeysəriyyə yolu ilə uşaq dünyaya gətirib. Həkim əməliyyat üçün 500 manat pul istəyib. Əməliyyatdan əvvəl 200 manat alıb, qalan 300 manatı isə sonra almalı idi. İndi başımıza bucur iş gətirdiyi bəs deyil, başımız öz dərdimizə qarışdığı halda bizim qapımıza gəlib əməliyyatdan qalan 300 manatını istəyir".


Qeyd edək ki, bu, V.Məmmədrzayevanın ikinci qeysəriyyə əməliyyatı olub. İlk əməliyyatı Tovuz rayon Mərkəzi Xəstəxanasında aparılıb və dünyaya qız uşağı gətirib.


Baş vermiş hadisə ilə bağlı, yaxınları həkimdən şikayətçi olaraq onu məhkəməyə veriblər.

Faktla bağlı araşdırma aparılır.

Emtv.az
Məşədi Faiq ƏHMƏDOV-BAŞ YAZAR
Əziz və Dəyərli Qızım ƏSMA! - Faiq ƏHMƏDOV
Əziz və Dəyərli Qızım ƏSMA! - Faiq ƏHMƏDOV
Oxunub: 923
XƏBƏR LENTİ

Reklam
Məzənnə