SON DƏQİQƏ

Babək rayonunda 2017-2018-ci illərin payız-qış mövsümünə hazırlıq və qarşıda duran vəzifələrlə əlaqədar müşavirə keçirilib.

Emtv.az azərtac-a istinadən xəbər verir ki, müşavirəni rayon icra hakimiyyətinin başçısı Rasim Hüseynov açıb. İcra başçsı qeyd edib ki, rayonda yeni tikilmiş 72 evə qaz xətti çəkilib, rayon ərazisində korroziyaya uğrayaraq sıradan çıxmış 2919 metr müxtəlif diametrli qaz xətləri yenisi ilə əvəz edilib, 1325 sızma hadisəsi aradan qaldırılıb.

Qeyd olunub ki, rayon mərkəzində yerləşən 41 təşkilatdan 38-i qazanxana ilə, 3 təşkilat təbii qazla qızdırılacaqdır. Bununla yanaşı 4 mərtəbəli inzibati bina və 5 mərtəbəli 60 mənzilli yaşayış binası da qazanxana ilə qızdırılacaqdır.

Qarşıda duran vəzifələrdən də danışan icra başçısı deyib ki, rayon elektrik şəbəkəsi 2017-2018-ci ilin payız-qış mövsümündə istehlakçıların fasiləsiz elektrik enerjisi ilə təmin etməsi məqsədi ilə elektrik avadanlıqlarının normal işləməsinə və elektrik verilişi xətlərinin sazlığına diqqəti artırmalıdır. Mövcud transformator və yarımstansiyaların texniki baxışdan keçirilməsi oktyabrın 20-dək başa çatdırmalıdır.

Qeyd olunub ki, Babək Rayon Kommunal Müəssisələr Kombinatı Babək qəsəbəsində yerləşən 5 mərtəbəli yaşayış binasının giriş qapılarının və pəncərələrinin, zirzəmisindən keçən istilik, su və kanalizasiya xətlərinin istismara yararlığını araşdırıb müvafiq tədbirlər görməlidir.

Sonra məruzə ətrafında çıxışlar olub. Müşavirədə verilən tapşırıqların icrası məqsədi ilə müzakirələr aparılıb, konkret tapşırıqlar verilib.

Emtv.az