SON DƏQİQƏ

emtv.az
 Valyuta məzənnəsi

Bakı, Tovuz və Balakəndə intihar

25-08-2017, 11:28 | Oxunub: 2 098 |

Bakı, Tovuz və Balakəndə intihar
Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakı şəhəri, Nərimanov rayonunda 1 nəfərin intihar etməsi barədə məlumat daxil olub. Dərhal Xüsusi Riskli Xilasetmə Xidmətinin xilasediciləri hadisə yerinə cəlb olunaraq talvardan asılı vəziyyətdə qalmış vətəndaşın cəsədi endirilərək aidiyyəti üzrə təhvil verilib.

Tovuzda intihar hadisəsi baş verib. Emtv.az-ın apa-ya istinadən məlumatına görə, hadisə rayonun Qovlar şəhərində yerləşən xəstəxananın qazanxanasında qeydə alınıb. Orada çalışan şəhər sakini 1979-cu il təvəllüdlü Namazov Aqil Qəzənfər oğlu özünü dəmir borudan asıb. Ona dərhal tibbi yardım göstərilsə də həyatını xilas etmək mümkün olmayıb.

Məlumata görə, A. Namazov iki övlad atası olub.

Balakəndə 66 yaşlı qadın baş örpəyi ilə özünü ağacdan asıb.

Axşam saat 18 radələrində rayonun Talalar kənd sakini 1951-ci il təvəllüdlü Məhbulə Həmid qızı Qərzəliyevanın meyiti yaşadığı evin həyətyanı sahəsindəki ağacdan asılı vəziyyətdə ailə üzvləri tərəfindən aşkar edilib. 66 yaşlı Məhbulə Qərzəliyevanın intihar etdiyi məlum olub. Məlumatda dörd övlad anası olan Məhbulə Qərzəliyevanın son zamanlar əsəb xəstəliyindən əziyyət çəkdiyi bildirilir.

Faktla bağlı Balakən rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR