SON DƏQİQƏ

Bu gün kriminal aləmin üzvlərindən biri olmuş, “qanuni oğru” Rövşən Lənkəranskinin vəfatından 1 il keçir. R.Lənkəranskinin ruhuna hörmət olaraq bu gün Lənkəran şəhərində bütün toy mərasimləri təxirə salınıb.

Lənkəran sakinlərinin verdiyi məlumata görə, şəhərdə 50 metrlik mərasim çadırı qurulub.

“İçəridə olduğu qədər insanlar bayırda da növbə gözləyir. Bunlar əsasən 20-35 yaş arası gənclərdir. Mərasim çadırına 1-ci növbədə şəhərin və ətraf rayonların yaşlı, tanınmış, hörmətli və ziyalı insanları daxil olur. Ehsan süfrəsi və xidmət ən mükəmməl və yüksək səviyyədə təşkil olunub. İmkansız ailələrə ehsan bağlamaları paylanılır. Şəhərin Kiçik Bazar ərazisində bütün gələnlərə qarşı ən yüksək səviyyədə hörmət, ehtiram göstərilir. Kənar seriyalı bütün maşınların bir ünvanı var. Soruşmağa ehtiyac yoxdur: ünvan Kiçik Bazar, Şəhidlər xiyabanı küçəsidir. Küçə boyu birtərəfli qaydada mindən çox avtomobil düzülüb. İnsanlar öz istəkləri ilə, fərdi qaydada günboyu Kiçik Bazar qəbristanlığına, Böyük qardaşın məzarı üstünə gedir. "Yasin" sürəsi oxunur, ruhuna fatihə verilir. Bizim iştirak etdiyimiz bu saatlarda ərazidə bir neçə min insan toplanmışdı. Hamı başqalarına mədəniyyət və ehtiram göstərməyə köklənib. Ərazidə adi günlərdə olduğundan daha sakitlik və təmizlik hökm sürür”,- deyə mərasim iştirakçısı bildirib.

Emtv.az