17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
CƏNAB PREZİDENT MƏMUR ÖZBAŞINALIĞI AZƏRENERJİDƏ HÖKÜM SÜRÜR
Azərişıq Enerji İdarəsinin məmurlarının əlindən sadə vətəndaşın qan ağlayır.
Bu gün redaksiyamıza Xətai rayonu Ramiz Quliyev küçəsi ev 15, mənzil 35c ünvanında yaşayan vətəndaş Əliyev Elmar Mahir oğlu tərəfindən imzalanmış növbəti şikayət məktubu daxil olub.
Emtv.az xəbər verir ki, əslində aldığımız məktub və həmin məktubda qaldırılmış problem yalnız əməkdaşlarımız tərəfindən ciddi şəkildə araşdırıldıqdan sonra əldə etdiyimiz nəticələr oxucularımıza təqdim olunacaq. Lakin, digər tərəfdən də şikayətçinin düşdüyü son dərəcə çətin durum bizi, ən azından məsələyə “AzərEnerji” ASC-nin rəhbərliyinin diqqətini cəlb etmək üçün, təcili tədbir görməyə vadar etdi.
Buna görə də Elmar Əliyevin təqdim etdiyi şikayət məktubunun məzmununu qısa formada da olsa dərc etmək qərarına gəldik. Məsələ bundan ibarətdir ki, şikayətçinin göstərilən ünvanda yerləşən mənzilində sərf olunmuş elektrik enerjisinə görə müəyyən məbləğdə borc yaranıb. Etiraf edək ki, abonent borcuna görə elektrik enerjisi verilişinin dayandırılmasını qanunsuzluq kimi təqdim etmək niyyətimiz yoxdur. Lakin burada bəzi incəliklərə nəzər yetirmək lazımdır.
Vətəndaş bildirir ki, bir müddət əvvəl yaranmış borc 179 AZN olub. Lakin bu yaxınlarda Elmar Əliyev həmin borcun böyük hissəsini, yəni 100 AZN ödəyib. Ailənin aztəminatlı, kasıb təbəqəyə aid olması səbəbindən borcun qalan 79 AZN hissəsini hələlik ödəmək mümkün olmayıb. Lakin, “AzərEnerji” ASC-nin nə Xətai rayon şöbəsinin rəisi Elnur müəllim, nə də Enerji satışı şöbəsinin rəhbəri Fariz müəllim vətəndaşın düşdüyü vəziyyəti başa düşmək istəmirlər. Təsəvvür edin ki, kasıb bir ailə üçün 1-2 gün içərisində işləməyən soyuducuda qalıb zay olan ərzaq məhsulları ehtiyatı necə böyük bir itki ola bilər?! Qeyd edək ki, bu məsələyə aydınlıq gətirmək üçün biz də Satış şöbəsinin rəisi Fariz müəllimlə əlaqə saxladıq.
Amma şöbə rəisinin suallarımıza ən azından təəccüb doğura biləcək cavabları barədə artıq sabahkı sayımızda daha ətraflı məlumat verəcəyik. Həmçinin növbəti yazımızda ümumiyyətlə “AzərEnerji” ASC-nin fəaliyyətinin bəzi məqamlarına dair əldə etdiyimiz maraqlı məlumatları da oxucularımıza təqdim edəcəyik.
Bizi izləyin.
Emtv.az "İnformasiya şöbəsi"