SON DƏQİQƏ

Cari ilin aprel-iyun ayları ərzində Yaponiya özünümüdafiə qüvvələrinin qırıcı təyyarələri daha çox Rusiya hava-kosmik qüvvələrinə məxsus (HKQ) təyyarələrlə əlaqədar havaya qalxıb. Bu barədə ölkənin özünümüdafiə qüvvələrinin birləşmiş qərargahı məlumat yayıb.

Qəraragahdan bildirildiyinə görə, cari ilin ikinci rübü ərzində Yaponiya özünümüdafiə qüvvələrinin qırıcı təyyarələri ümumilikdə 229 dəfə səmaya qalxıb. Bunun 125-i (55 faiz) məhz Rusiya, 101-i (44 faiz) isə Çin hərbi təyyarələrinə görə olub. Son beş ilin göstəricilərinə görə, adətən yapon qırıcılar daha çox Çin hərbi təyyarələrinin yaxınlaşması ilə əlaqdar səmaya qalxmışdı. Məsələn ötən ilin ikinci rübündə yapon qırıcılar 199 dəfə Çin, 78 dəfə isə Rusiya hərbi təyyarələrinə görə bunu etmişdi.

Yapon hərbiçilər qeyd edirlər ki, Çinin səmada fəallığı əhəmiyyətli dərəcədə - 99 dəfə, Rusiyanın fəallığı isə 47 dəfə azalıb. Əlavə olaraq bildirilir ki, Çin təyyarələri adətən qırıcı, Rusiya təyyarələri isə kəşfiyyat təyyarələri ilə təmsil olunublar. Uçuşların marşrutunda da əsaslı fərqlər qeyd edilib. Belə ki, Çin təyyarələri əsasən, Şərqi Çin dənizi istiqamətində, Rusiya təyyarələri isə cənub sahilləri istisna olmaqla bütünlüklə Yaponiya ətrafında-şimal-qərb və şimal istiqamətində uçuşlar həyata keçirib.

Fotoşəkillərin də əlavə edildiyi məlumatda qeyd edilir ki, uçuşlar zamanı əsasən Tu-95, Tu-142, İl-38, İl-20, Su-24 təyyarələrindən istifadə edilib.

EMTV.az