SON DƏQİQƏ

Akademik Zərifə Əliyeva adına Milli Oftalmologiya Mərkəzinin həkim briqadası növbəti dəfə Naxçıvanda müayinə və cərrahiyyə əməliyyatları aparıb

Emtv.az azərtac-a istinadən xəbər verir ki, əvvəlcə Naxçıvan Muxtar Respublika Xəstəxanasında muxtar respublikanın oftolmoloq həkimlərinin iştirakı ilə seminar keçirilib. Seminarda Akademik Zərifə Əliyeva adına Milli Oftalmologiya Mərkəzinin direktoru, əməkdar elm xadimi, professor, Elmar Qasımov tibb ocağının fəaliyyəti barədə məlumat verib. Mərkəzin direktor müavini Ceyhun Nəzərli, tibb elmləri üzrə fəlsəfə doktorları Fərəh Abdullaəliyeva, Müşfiq Kərimov və digərləri şəkərli diabetin fəsadları və uşaq göz xəstəliklərindən bəhs ediblər. Mövzu ətrafında fikir mübadiləsi aparılıb. Bu sahədə tətbiq olunan ən müasir elmi biliklərdən söhbət açılıb.

Seminarda iştirakçılara elmi jurnallar paylanılıb, video çarx nümayiş etdirilib və verilən suallar ətraflı cavablandırılıb.

Qeyd edək ki, həkim-oftalmoloq və anestezioloqlardan ibarət səyyar briqada ayın 22-dən Naxçıvandadır və sabah aksiya başa çatacaq. Üç gün ərzində 200 müayinə 15 göz əməliyyatı aparılacaq.

Milli Oftalmologiya Mərkəzinin səyyar klinikası artıq bu il ərzində dördüncü dəfədir Naxçıvan Muxtar Respublika Xəstəxanasında humanitar tibbi aksiya keçirir. Aksiyalar il boyu davam edəcək.


Emtv.az