09 in 10:49Oxunub: 118 |

Hilal Məmmədov ad-soyadlı şəxs polis tərəfindən həbs olunmayıb – DİN-dən açıqlama

Hilal Məmmədov ad-soyadlı şəxs polis tərəfindən həbs olunmayıb – DİN-dən açıqlama

Daxili İşlər Nazirliyi (DİN) “Tolışi sedo” qəzetinin baş redaktoru Hilal Məmmədovun saxlanılması ilə bağlı məlumatlara aydınlıq gətirib.

Emtv.az xəbər verir ki, DİN-in mətbuat xidmətinin rəisi Ehsan Zahidov apa-nın sorğusuna cavab olaraq bildirib ki, hər gün müxtəlif məsələlərlə bağlı – cinayətə məruz qalan, cinayət törətməkdə şübhəli bilinən, inzibati qayda pozuntusu törədən, araşdırma tələbə edən və s. səbəblərlə yüzlərlə insan daxili işlər orqanlarına müraciət edir, dəvət olunur və ya saxlanılaraq gətirilir: “Bu, heç də o anlama gəlməməlidir ki, gündə bu qədər insan polis tərəfindən həbs olunur. Qətiyyən belə deyil. O ki qaldı konkret olaraq “Tolışi sedo” qəzetinin baş redaktoru Hilal Məmmədovun guya polis tərəfindən saxlanılmasına dair bəzi xəbər saytlarında gedən məlumatlara, bu iddia əsassızdır və həqiqəti əks etdirmir. Son günlər Hilal Məmmədov ad-soyadlı şəxs polis tərəfindən həbs olunmayıb. Ona görə də hörmətli media nümayəndələrini hər hansı xəbəri hazırlayarkən diqqətli olmağa dəvət edirəm. Yoxlanılmamış, aidiyyəti dövlət qurumları tərəfindən təsdiq edilməmiş məlumatların mətbuata çıxarılması yolverilməzdir”.

Emtv.az
Məşədi Faiq ƏHMƏDOV-BAŞ YAZAR
TƏQDİMAT MƏRASİMİNDƏ
TƏQDİMAT MƏRASİMİNDƏ "AZƏRBAYCANIN SƏSİ" İCTİMAİ BİRLİYİNİN SƏDRİ MƏŞHƏDİ FAİQ ƏHMƏDOV "QALX AYAĞA AZƏRBAYCAN" ŞEİRİNİ DEMİŞDİR – VİDEO
Oxunub: 946
XƏBƏR LENTİ

Reklam
Məzənnə