Havaların isinməsi ilan sancmalarının da sayınının artmasına səbəb olub.Son on gün ərzində Naxçıvan Muxtar Respublikası Xəstəxanasının Reanimasiya şöbəsinə ilan sancması ilə bağlı 6 nəfər sakin yerləşdirilib. Şöbəmüdiri Azər Məmmədovun mətbuata verdiyi məlumata görə, onların beşinin vəziyyəti ağır olsa da həyati təhlükə keçib.Bəs ilan sancması zamanı ilk tibbi yardım necə göstərilməlidir?Şöbə müdiri deyir ki, ilan sancması baş verən zaman ilk olaraq, ilan sancan şəxsin hərəkəti məhdudlaşdırılaraq zərdab vurulması təmin olunmalıdır. Zərdab nə qədər tez vurularsa zərərçəkən şəxs daha tez sağalar.Naxçıvan Muxtar Respublikası Səhiyyə Nazirliyinin əməkdaşı Jalə Allaverdiyeva bildirib ki, muxtar respublikaya kifayət qədər zərdab gətirilərək səhiyyə müəssisələrinə, eləcə də ucqar dağ və sərhəd kəndlərindəki tibb məntəqələrinə paylanılıb.Azərbaycan Milli Elmlər Akademiyasının Naxçıvan Bölməsinin Bioresurslar İnstitutunun elmi işçisi, biologiya elmlər namizədi Arzu Məmmədov bildirib ki, ilan tapdalandıqda, incidildikdə sancır."İlanlar çoх mərd heyvandır. Əvvəlcə fısqırmaq yolu ilə хəbərdarlıq edir. Başını geri çəkir, bir-iki dəfə yaхın məsafədə atılır və yalnız bundan sonra çıхış yolu tapmadıqda insanı sancır"A.Məmmədov deyir ki, muxtar respublikada yayılan 23 ilan növündən yalnız 3-ü zəhərlidir.Arzu Məmmədov insanların ilanları öldürməsi məsələsinə də toxunub.
"Unudurlar ki, ilanların nəslinin kəsilməsi təbiətdə bir sıra gəmiricilərin sayının çoxalması və xəstəliklərin artmasına səbəb olar. Onları həyətyanı sahələrdən uzaqlaşdırmaq üçün kükürd məhsulundan istifadə etmək kifayətdir".Emtv.az