SON DƏQİQƏ

Ramazan ayı isti yay günlərinə təsadüf etdiyindən oruc tutanlar üçün suyun önəmi daha da artır.

Emtv.az xəbər verir ki, 17 saatdan çox müddətdə bədənin suya ehtiyacını ödəmək üçün iftar ilə imsak arasındakı vaxtı düzgün dəyərləndirmək lazımdır. Dietoloq, sağlam qidalanma üzrə mütəxəssis həkim Canan Aksoy bəzi məsləhətlər verib: “Suyun yerini başqa heç nə tutmur. Sağlam Ramazan ayı keçirmək üçün iftar ilə imsak arasında ən yaxın dostunuz su olmalıdır”.

İftarı su ilə açın, imsakı su ilə bağlayın

- İftarınızı mütləq böyük stəkan su ilə açın.

- Açdıqdan sonra biraz yemək yeyin, şorba için. Əsas yeməyə başlamazdan əvvəl ara verin. Bu ara həzm sistemini fəaliyyətə keçirəcək.

- Əsas yeməyə keçdiyinizdə yeməklərinizin yanında mütləq bir stəkan su olsun.

- İftar bitdiyində təxminən 1 litrə yaxın su içmiş olacaqsınız. Düzdür, bu itirdiyiniz suyu qarşılamağa yetmir, çünki gün ərzində 1 litr yarımdan çox su itirirsiniz.

- İftarda çay və ya kofe içsənizdə, yatana qədər ən azı 1 litr su istehlakına diqqət edin.

- İftardan sonra sidiyinizin rənginə baxın, əgər sidiyiniz açıq və solğun sarı rəngdədirsə, gün içində itirdiyiniz suyu qarşılamısınız deməkdir.

- İmsaka mütləq qalxın və yeməklə bərabər 2 stəkan su için.

- Niyyətlənməzdən əvvəl 2 stəkan su için.

Emtv.az