SON DƏQİQƏ

“Tələbatlı müğənniyəm. İşlər çoxdur və çatdıra bilmirəm ki, gəlim müsahibə verim. Əvvəl deyirdim ki, asandır, hər şeyi çatdıraram. İndi görürəm ki, olmur".

Bu sözləri müğənni Ayaz Qasımov “Şou-məkan” verilişinə açıqlamasında deyib.
Sənətçi toy qiymətlərindən danışıb:

“Kəlləçarx qiymətlərə getmirəm, heç özümə rəva da bilmirəm. Niyə? Çünki bizi bu millət qaldırıb, dəyər verib. Nə qədər əziyyət çəksən də, belə olmaz.
Bu günə kimi haqqımda yanlış ifadə səsləndirən adam görməmişəm. Çünki özümə hörmət edirəm, heç kimə də hörmətsizlik etmir. Kimdənsə hörmətsizlik görsəm, cavabını alacaq. Hərdən deyirlər ki, filankəs səndən danışıb. Həmin dəqiqə zəng edib o adamdan soruşaram ki, belə bir şey demisən?
Bəziləri özlərini yuxarı ilə aparırlar. 15 ildir səhnədəyəm, heç mən sizin kimi etməmişəm. Niyə belə artırmırsınız? Özünüzü niyə belə təkəbbürlü aparırsınız? Elələrinə "salam" düşmür".

A.Qasımov hər dəvətə getmədiyini söyləyib:

“Özüm üçün müəyyən bir qadağa qoymuşam. Hər verilişə çıxmıram. Bu əsla yekəxanalıq deyil. Sadəcə, bu qədər müddətdə topladığım hörməti hansısa verilişdə məni anlamayan insanların arasında bir anın içində itirmək istəmirəm”.



Emtv.az